منتديات صحبة نت  

»   منتديات صحبة نت > المنتديات العامة > فضفضة من القلب

 
  #1  
11-08-2009, 04:02 PM
Golden Heart


هابى بيرز داى تويو هوهو – مين هوهو!!




هابى بيرز داى تويو هوهو – مين هوهو!!




المقالة دي عجبتنى قوى وحلخصها لكم بأسلوبي المتواضع وأتمنى أن تعجبكم وأسمع أرائكم في النهاية .....



طيب نبدء بالعنوان ..مين هوهو ؟؟ هو الهرم الأكبر خوفو




هابى بيرز داى تويو هوهو – مين هوهو!!




طيب حتسألونى هو خوفو له عيد ميلاد ..تعالوا نشوف مع بعض محافظ الجيزة عمل ايه!!!




محافظ الجيزة قرر فجأة ان يكون عيد ميلاد محافظته هو 23 أغسطس ولم يكتف بهذا القرار الهمام ولكنه جمع الصحفيين المتعاملين مع المحافظة وطبعا الاقارب والاحباب وكمان الموظفين فى المحافظة واعلن هذا الكلام فى مؤتمر صحفى ،،ليكتب الخبر فى كل الصحف وتبثه كل وكالات الأنباء الى العالم ان يوم بدء بناية الهرم الأكبر كان يوم 23 أغسطس فالعالم بالتأكيد لا يهمه عيد ميلاد الجيزة ولا عيد ميلاد المحافظ ولا حتى عيد ميلاد جلوس سيادته على كرسى المحافظة ليصبح الآمر الناهى فيها ،لكن ما يهم العالم حتى لو إحنا مكبرين دماغنا ومش فارقة معانا الهرم بدأوا يبنوه يوم 23 أغسطس ولا 23 يناير حتى، هو هذا التاريخ الذى أدعت تلافيف عقل أحد موظفى المحافظة ان يخترع هذا اليوم ويقنع المحافظ انه هو اليوم الذى بدأ فيه بناء الهرم ومش بعيد يكون هذا الموظف المحظوظ كان ناصح ودور فى الدفاتر القديمة واكتشف ان هذا اليوم له معزة خاصة عند المحافظ ولم يجد افضل من خوفو يلصق به مجاملته


هابى بيرز داى تويو هوهو – مين هوهو!!



[IMG]http://*****************/images?q=tbn:uQt-8bLeT3I7VM:http://www.murrayfrancis.com/egypt/pix/snapshots/sphinx.jpg[/IMG]





هو يعنى ابو الهول حينطق وى حتى حيزعل ويقول حرام عليكوا بتشوهوا صورتنا ليه ولا يعنى خوفو حيقوم من رقدته الابدية ويعلن التاريخ الصحيح ،،،،،،،اذا كان مقمش لما حاصروا الهرم بالمبانى والصرف الصحى والطريق الدائرى وغيره يبقى حيقوم يتكلم علشان عيد ميلاده !!!!!!!!!!!!




الهرم له منزلة كبيرة لدى جمهور عريض من السائحين فى العالم اللى هم مش زى معظمنا بيروح يتفرج على الهرم علشان يركب الجمل ولا حصان ولا يتمشى مع الجو .......



ولكن بيزوروا الهرم الذى يحمل تراث الانسانية فى حقبة من الزمن وصلت فيها عبقرية المصريين لبناء هذا الصرح الشامخ الذى يقف شاهداً على عظمة مصر والمصريين قبل ان تخترع المحافظات ولا المحافظين ولا أعياد ميلادهم ....

هابى بيرز داى تويو هوهو – مين هوهو!!



الخلاصة :



لن أقول لمحافظ الجيزة وهو رجل محترم ارجوك قليلاً من سمعة مصر فى الخارج ولن اطلب منه ان يعيد مؤتمره الصحفى مرة أخرى بشرط ان يعتذر للعالم عن الخطأ فى تحديد يوم بناء الهرم ولكن حقوله اترك مصر فى حالها ولكنى فقط اسأل سيادته هل سنة 325 قبل الميلاد الميلاد كان هناك شهر اسمه اغسطس ؟؟؟؟

ولمن لا يعرف فقد سمى شهر اغسطس ومعظم الشهور الميلادية بعد الميلاد بقرون طويلة وعلى اسماء القياصرة والملوك الذين حكموا أوروبا فى بداية القرن 18 .... يعنى يا ربى ده كلام بردو!!!!!!!!!!!!!!





[IMG]http://img148.**************/img148/9363/egyptsq7.gif[/IMG]

بحبك يا بلادى
بنت مصر
Golden Heart




عنوان ورابط الموضوع للحفظ والمشاركة
هابى بيرز داى تويو هوهو – مين هوهو!!
http://www.sohbanet.com/vb/showthread.php?t=124445
  #2  
11-08-2009, 04:10 PM
amr_kamal

موضوعك جميل جدااااا انا اتفأجات برضه بنتيجه المؤتمر
شكراااااا جولدن هيرت موضوع جميل جدا ومش غريب على حضرتك
  #3  
11-08-2009, 08:26 PM
Golden Heart

شكرا عمرو على ردك

وهو غريب فعلا ولكن مين اللى حيتكلم ولا يعترض ولا ينطق بكلمة حتى

دمت بود

رد: هابى بيرز داى تويو هوهو – مين هوهو!!
  #4  
11-08-2009, 10:57 PM
شيماء نور محمد

شكرا يا جولدن وأنا فرحت انك مصرية زى انا كمان والموضوع جميل
  #5  
12-08-2009, 11:28 PM
Golden Heart

[IMG]http://www.************/fwasel/www.************74.gif[/IMG]
شكرا ليكى شيماء
دائما تنورى مواضيعى

دمتى بحفظ الله

[IMG]http://www.************/fwasel/www.************74.gif[/IMG]
  #6  
12-08-2009, 11:34 PM
elmoshaksanada

شكرا ليكِ يا جولدن
انا الى شدنى بصراحه عنوان الموضوع
بس نتيجه المؤتمر غريبه فعلا ..
  #7  
12-08-2009, 11:35 PM
andi-cool

شكرا ليكى و لموضوعك المميز
فعلا كل واحد بيطلع اى حاجه و خلاص عشان يبقى تحت النور و الناس يتلمو عليه
  #8  
12-08-2009, 11:37 PM
andi-cool

شكرا ليكى و لموضوعك المميز
فعلا كل واحد بيطلع اى حاجه و خلاص
عشان يبقى تحت النور و الناس يتلمو عليه
دمتى بود
  #9  
13-08-2009, 12:26 AM
قمرمنير

تصريحات غريبه جدا
وهو المهم عند أى محافظ أو وزير
أنه يقول أى كلام وخلاص ؟؟؟؟
شكرا على الموضوع
  #10  
14-08-2009, 10:02 PM
Golden Heart

اقتباس:
المشاركة الأصلية كتبت بواسطة elmoshaksanada »
شكرا ليكِ يا جولدن
اقتباس:
المشاركة الأصلية كتبت بواسطة elmoshaksanada »
انا الى شدنى بصراحه عنوان الموضوع
بس نتيجه المؤتمر غريبه فعلا ..


وان كان هناك حاجات كتير غريبة قوى مش دى بس

ربنا يستر ندى

دمتى بود

اقتباس:
المشاركة الأصلية كتبت بواسطة andi-cool »
شكرا ليكى و لموضوعك المميز
اقتباس:
المشاركة الأصلية كتبت بواسطة andi-cool »
فعلا كل واحد بيطلع اى حاجه و خلاص عشان يبقى تحت النور و الناس يتلمو عليه


فعلا ده صحيح وياريت بيعمل حاجة مهمة ولا مفيدة الا كلها قرارات لا اهمية لها

دمتى بود اندى

اقتباس:
المشاركة الأصلية كتبت بواسطة قمرمنير »
تصريحات غريبه جدا

وهو المهم عند أى محافظ أو وزير
أنه يقول أى كلام وخلاص ؟؟؟؟

شكرا على الموضوع




شكرا قمر
وللاسف ان القرارات اللى من النوعية دى بتكون من المحافظين والوزراء

ربنا يستر
دمت بود
  #11  
15-08-2009, 12:15 PM
ali.hammad

مينفعش عيد ميلادى بدل خوفو
أما صحيح بلد شهدات
 
السياحة | الاستضافة | السيارات





Powered by vBulletin
Copyright ©2000 - 2016, Jelsoft Enterprises Ltd

سياسة الخصوصية