منتديات صحبة نت



»   منتديات صحبة نت > المنتديات الفنية > كلمات الاغاني


 
قديم 29-09-2009, 04:23 AM   #1
the fap swan
 




*علمونى عنيكى*


عنيكى أسافر علمونى أفضل مهاجر
علمونى أكون مسامح زى نبع الحب صافى
علموني اعشق صحابي وانسى وياهم عذابي
والغريب لو دق بابي يرتوي من نبع صافي
علموني ولفوا بيا دنيا غيرالدنيا ديه
طعم تاني وحاجة تانية ده انت نبع الحب صافي
دنيا رايحة
دنيا رايحة و دنيا جاية مرة رايحة و مرة جاية
تخلى بيكم ولا بيا دور عليكو و دور عليا
ياما ياما كتير حكينا ع الى بكرة هيجرى لينا
من عشمنا كتير حلمنا والى مقسوم بردة لينا
قسمة حلوة ولا قسوة ولا ايام مش هنية
طمنينا ما تتعبينا داللى دقناه مش شوية
اة يا خطوة اة يا شردا بكرة مش زى النهاردة
بكرة يجى يبل ريقى وخطوتى هنكون حبيبى
حتحلى بينا و تجري بينا تبتسم والله في عنيا
حتبقى حلوه ..بقسمه حلوه
باقيه على العشره و عليا



*بنتولد*


بنتولد طاهرين بنتولد شبعانين بنتولد متلهفين
على صدر ام وكتف اب مرتاحين
بنتولد باكين بنتولد مش عارفين
بنتولد مش خايفين واسمنا فى درب الحياة بنى ادمين
بنتولد دفيانين بنتولد صافيين بنتولد صادقين
كما زرعة خضرا فى ارض طين زرعة احصادها احصاد عمر السنين
الحلو و المر و الطيب و الحزين
بنتولد مش داريين بالرايحين والجايين
نكبر، وتكبر فينا أعمار السنين
بنكره السنين وتكرهنا السنين
ونجرح البشر ونجرح نفسنا مع إننا بنتولد...


*سؤال*


سؤال..بسألك إيه آخرة الترحال وسهر الليالي وكل يوم بحال
سؤال..بسألك ايه اخرة الاحزان دمعتي موالي و الحنين قتال
سؤال..بسألك إيه آخرة الأحلام ليلاتى واخدانى فى بحر من الأوهام
سؤال..بسألك إيه آخرة العذاب تاعبني ف سؤالي ياريت ألاقي جواب
سهيرة ليالى
سهيرة ليالى طايرين للعلالى نجم الليل في الليل يناديلنا ويغنيلنا
في ليالي المدينة للأحباب نادينا هلوا واتلاقينا بالفرحة ف عينينا
ونجم الليل صحى ف مواويلنا شوقنا وميلنا
نجماية هوانا سهرانة معانا وقلوبنا الصبية بالحب ملالية
وهوا الليل على شاله يشلنا وينزلنا
يا قمر الليالى ضوى لنا و لالى دى الدنيا دى بتنا و الاحلام شالتنا
و احنا الليل دربنا و سبيلنا و انتى دليلنا


*غريبة*


غريبة غريبة غريبة ومش غريبة
انى اكون ويا الحبيبة دنيا مبتسمة ورحيبة
وفجأة اكون زى القلوع ساعة الغروب مروحين
بلا شطوط ولا حنين وانطفى فى الحال من غير سؤال
غريبة غريبة غريبة ومش غريبة
انى اكون فى لحظة مخيفة خبر كان وسط الصحيفة
وفجأة اكون زى السطور المليانين بحاجات كتيرة منورين
وانطفى فى الحال من غير سؤال
غريبة غريبة غريبة ومش غريبة
انى اكون فى خطوة بريئة لما ادور على الحقيقة
وفجأة اكون زى الجنون جوة العيون ملهش كون كلهش لون
وانطفى فى الحال من غير سؤال


*اليلة ياسمرا*


اليلة اليلة اليلة يا سمرا اة يا سمارة اليلة يا سمرا
لا انا كونت برة ولا مهاجر انا الى جايلك من باكر
قلبى ولا البحر الهادر عينى ولا الجمرة اليلة

خلى الندى من احلامك يسقى النبات من ايامك
حطى الى خلفك ادامك تلقى البلد عامرة اليلة

اليل يصبح ويمسى واتفكرينى واتنسى
شميت هواكى لقيت نفسى يا طيبة وصابرة اليلة

البنت قالت فستانى منشور على الشط التانى
خدنى المركبى وعدانى ورجعت فى القمرة اليلة

يالى صافحتك بغوايش عايش ولا لغيرك عايش
قلبى ولا البحر الطايش عينى ولا الجمرة اليلة

قال فينا غنوة وحدوتة قال مافيناش قولة توتة
ماهياش عجينة وملتوتة كل القلوب حمرا اليلة

دة العنجريف الى جنيتة سبع سنين استنيتة
على الجريد الى رميتة هتظهر السمرا اليلة


*شبابيك*


شبابيك الدنيا كلها شبابيك والسهر والحكاية والحواديت
كلها دايرة عليك والكلام كان كان عليك
والى كان خايف عليك انتهى من بين اديك
دى عنيك شبابيك والدنيا كلها شبابيك
سرقت عمرى من احزانى سرقتة لكن ماجانى
ولا حد شاف فين مكانى ورى الشبابيك
غيرت ياما كتير احوالى وانا كونت عاشق وكان يحلالى
احب بس يكون حلالى ورى الشبابيك
انا بعت الدموع والعمر طرحت جناينى فى الربيع الصبر
وقولت انا عاشق سقونى كتير المر ورى الشبابيك
دى عنيك شبابيك والدنيا كلها شبابيك


*يازمانى*


يازمانى اضحكلى اياك تنسانى يازمانى فى الغربة ونسيت عنوانى
يازمانى على فين احزانى يازمانى على فين وخدانى

وزمانى ندانى وفرشلى امانى نسانى مكانى ونسيت خلانى
دة الحلم الوردى مش طايلة يدى وصبحت انا وحدى

وزمانى ليالى فى بحور وخدانى وفى موجها العالى وحدى سيبانى
يا زمانى وخدنى على فين اوعدنى امتى تريحنى
ع المدينة
لفو بينا قالو لينا على المدينة لما جينا التقينا كل شىء فيها ناسينا

القلق جوة العيون وشها لة الف لون حزنها غير حزننا منها واحنا لوحدنا
فى المدينة هنالك لفو بينا وتهنا هناك

يا مدينة فيكى ماشى قلبى قمراية بشواشى مهما تعصرى قلبنا مش هيكدب صدقنا
فى المدينة هنالك لفو بينا وتهنا هناك

الفصول فى كل عام فيكى تتغير اوام روح يا قمر اليل ونام دة السكوت زى الكلام
فى المدينة هنالك لفو بينا وتهنا هناك
الكون كلة بيدور
الكون كلة بيدور واحنا وياة بندور واليوم بحر نعدية للحنا بنحلم بية

حبيبى مد اديك دة العلم ملك ادينا الكدب غيطان احزان والصدق الى مدفينا
احلى بكرة لينا تحلى الذكرى بينا طول ما احنا ياناس عايشين ما بنجرحش العاشقين

العمر ايام وسنين بيعدى زى حكاية يقولها بكرة عاشقين لياليهم مش نساية
احلى بكرة لينا تحلى الذكرى بينا طول ما احنا ياناس عايشين ما بنجرحش العاشقين

على جسر اليل ماشين وقمر ليالينا مراية ما بنعرف امتى وفين هتكون لرحلة نهاية
احلى بكرة لينا تحلى الذكرى بينا طول ما احنا ياناس عايشين ما بنجرحش العاشقين


*حدوتة مصـــــــرية*


منرضاش يخاصم القمر السما
مـنرداش تدوس البشر بعضها
مـنرداش يموت جوة قلبى نــدا
منرداش تهاجر الجزور ارضــــا
منرداش قلبــى جواى يغنـى
الاجراس تدق لصرخة مـيلاد
تــــــموت حتة منــــــى
الاجراس بتعلن نهاية بشر من العبــــاد
دة الحكــــمة جتلتنى وحيتنـــــــــــى
وخلتنـى اغوص فى قلب السر
جلب الكون قبل الطوفــــــان مايجى
وخلتنـى اخاف عليكى يا مصــر
واحكيـــــــــــــــــــلك على المكنون
مــين الى عاقل فينا مين مجنون
مـــــــين الى مدبوح من الالــــــــــم
مـــين الى ظالم فينا مـين مظلوم
مـــــين الى ما يعرفش غير كلمت نعم
مــين الى محنيلك خضار الفلاحين الغلابة
مــــــين الى محنيلك عمار عمالك الطيابة
مـين الى بيبع الضمير ويشترى بية الدمار
مين هوة صاحـــــــب المسئلة
والمشــــــــكلة والحكاية والقــــــلم
رئيت كل شىء وتعبت على الحقيقة
جابلت فى الطريق عيون كتير بريئة
اعرف بشر عرفونـى لا معرفونيش
جبـــــلونى وجبلتهـــــــم
بمد ايدى لك طب ليـــة ماتجبلنيش
لا يهمنـــى اسمك لا يهمنـــى عنوانك
لا يهمنــى لونك ولا ميلادك مكانــك
يهمنــــى الانسان ولو ملوش عنوان
يناس ياناس يمكبوتة هية دى الحــــــدوتة

حدوتة مصـــــــــرية
حدوتة مصــــــــــرية


*النيل*


ولا بيوصل و لا بيتوه ولا بيرجع ولا بيغيب
النيل سؤال و مازال ماجاش عليه الرد
من قد ايه و لفين ماقالش عمره لحد ولا بيوصل
سهران يوشوش ناي و الحلم رايح جاي
قباله ع الشطين بيحب صوت الناس
و غني البنات بالليل بيكرة الحراس
لما تدوس بالخيل ولا بيوصل
تفوت ايااام.. تموت احلام..تعدي شهور..
تدور الارض و الدنيا و هو يدور
و لسه بيجري و يعافر
و لسه عيونه بتسافر..
ولسه قلبه لم يتعب من المشاوير


*يا عندية*


يا عندية يا عندية هاتى الاحلام زهرة نادية
طب قلبى كمان ليكى هدية
لا ياسمارة كل الحارة ذودتى لهاليبة ونارة
دوبتى قلوبنا المكويا


لو كان القمرة فى اديا خليها لعينيكى مراية
خليها لشعرك ضويا خليها لقلبك دفاية
دوبتى قلوبنا المكويا

بسماتك فيها الحنية دلالك رائع يا صبيا
فى عيونك سحر كلامك شعر قوامك وحيات عنيا
دوبتى قلوبنا المكويا

يتبـــــــع ...


شارك اصدقاءك الموضوع

اجمل ما غنى محمد منير
http://www.sohbanet.com/vb?s=75e757e20cf39edc76fc8d4929e10a74/showthread.php?s=75e757e20cf39edc76fc8d4929e10a74&t=139381



the fap swan غير متصل  
قديم 29-09-2009, 04:55 AM   #2
the fap swan
 

اللالون

اللالون يا لون لونايا للونا
القمرة شايفينة ...اييوة
واحنا مش عارفينة ...اييوة
القمر دة فينة... اييوة
ياعيون رسينا
الحياة لها لون لون جمال ليالينا

سهران بناديكى فاتح شبابيكى
عاشق بغنيكى الدنيا وعنيكى
من لون لياليكى

دة جمالها مفتونى
النن فى عيونى
دة هوايا والاسمة
اتسهرو اسمة
والدنيا مبتسمة
والحياة لها لون لون جمال ليالينا




مين يهمه

مين يهمه مين يهمه
لو ان دم عصفور صغير ع الأرض سال
مين يهمه ..
بلاش تجاوب ع السؤال ....
بلاش تجاوب
اكتم فى قلبك صرختك
أصل الأجابة تموتك .. تموتك ...
ومين يهمه

منين نجيب قدرة تملانا تانى جروح
تدب فينا حياة , ننسى هوان وجروح
والآن قلب وروح بيتقسمه
مواطن بيسّلم حروف أسمه
بيخلع آخر .. هدمه آخر هدمه
على جسمه , آه .. ومين يهمه


منين نجيب قدرة تملانا تانى جروح
تدب فينا حياة , ننسى هوان وجروح
لو لسّه فى قلبى وقلبك أحلام مش راضيه تموت
لو لسّه لكلمة " بلدى " ريحة وطعم وصدى صوت
المحنة سحاب هايعدى , الصعب أكيد هايفوت
طول عمرك أنت الباقى والخالد رغم الموت
والكل هايهمه .. هايهمه




بكـــــــــار

يا ابو كف رقيق وصغير
وعيون فنان محتار
يا ابو ضحكة وصتها فى قلبة
بيضوى الف نهار
بكار بكار بكار بكار
شمس بلادك وجدودك بتسمى على حوليك
شمس بلادك وجدودك بتبوس يا صغيرى اديك
الكون مفتوح قدامك ابدر جواة احلامك

هات رشتك هات الوانك وارسم ع الارض مكانك
هات رشتك هات الوانك وتعالى نعيد يا صغيرى
وتعالى نعيد من الاول شكل الاشياء ونلون
نرسم اول ما هنرسم نرسم لمة واصحاب
نرسم اول ما هنرسم قمرة وحصان وكتاب


ـــــــــــــــــــــــ

من صغرة وصغر سنة عارف معنى انة
من قلبة وروحة مصرى والنيل جواة بيسرى
تاريخ ارضة وبلادة بيجرى جوة دمة
من قلبة وروحة مصرى والنيل جواة بيسرى
اصحابة كتير كتير قدة وقدهم
طابور الصبح تضرب اجراسة تلمهم
و موسيقى نشيد بلادى بتجرى فى دمهم
تمرين اول وتانى وسؤال فى عنينا تانى
يا بلادى انا امتى هكبر واطول النخل واقدر

واقطف من ورد تشكى واعملك عقد مرمر
من قلبة وروحة مصرى والنيل جواة بيسرى




يا اماه

مسكينة حبيبتى السمره دى اميرة وطاهرة وصابره
دوامت الدنيا خدتنى ورجعت اقول يا اماه
يا اماه يا اماه يا اماه انا راجع زى زمان يا اماه
طفل فى عينى الاحزان يا اماه غلطان انا فى العنوان
روحت بعيون عطشانين التقى بنبع الحنين
ياما دقيت ع البيبان بس مين
يسأل فى مين
سامحينى حبيبتى يا سمر ا واغسلينى بطهرك ياماه
دى الحقيقة عيونك انتى انتى يا امى وحبيبتى
مين يا ناس خدنى انا و مين يا ناس جبنى هنا
حلم كان فى دنيا تانية دنيا مولودة هنا
سامحينى حبيبتى يا سمر ا واغسلينى بطهرك ياماه
دى الحقيقة عيونك انتى انتى يا امى وحبيبتى




أفتح زرار قميصي

أفتح زرار قميصي للنسمة و للأماني
و أنور فوانيسي و أملى العالم أغاني
باغني للسعادة وباغني للرضا
والغنوة كل ما ده تعلا وتملا الفضا

أه يا هوى ياسيسي إنت لساني وحصاني
بافتح زرار قميصي واملا العالم أغاني
باغني للحقيقة و باغني للانسان
و غنوتي الرقيقة بتنور لي الزمان
أه يا هوى ياسيسي إنت لساني وحصاني
بافتح زرار قميصي واملا العالم اغانى




اكلم القمر

اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى
تتصورى ..... تتصورى


اصاحب الدروب ..... تتبسمى
اودع الغروب ..... تتألمى
و فى لحظة الوداع ..... تأربى
و فى لحظة اللؤا ..... بتبعدى
تتصورى ..... تتصورى


تضيع منى الحروف ..... تكملى
الف ياما و اشوف ..... تتأميلى
و يضيع منى الكلام ..... تتكلمى
نرسم شكل الحياه ..... و ترسمى
تتصورى ..... تتصورى

اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى




شجر اللمون

كام عام ومواسم عدو وشجر اللمون دبلان على ارضة
وفينك بينى وبينك احزان ويعدو بينى وبينك ايام وينقضو
شجر اللمون دبلان على ارضة
فينك انا من غيرك انا مش عاقل ولا مجنون
انا مطحون والدنيا دى رحاية وقلبى حب الحب وحباب عيونة
وكل شىء بيتسرق منى العمر من الايام والضى من الننى
وكل شىء حوليا يندهلى جوايا بندهلك يا ترى بتسمعنى

وفينك بينى وبينك احزان ويعدو بينى وبينك ايام وينقضو
شجر اللمون دبلان على ارضة




ع المدينة

لفو بينا قالو لينا على المدينة لما جينا التقينا كل شىء فيها ناسينا

القلق جوة العيون وشها لة الف لون حزنها غير حزننا منها واحنا لوحدنا
فى المدينة هنالك لفو بينا وتهنا هناك

يا مدينة فيكى ماشى قلبى قمراية بشواشى مهما تعصرى قلبنا مش هيكدب صدقنا
فى المدينة هنالك لفو بينا وتهنا هناك

الفصول فى كل عام فيكى تتغير اوام روح يا قمر اليل ونام دة السكوت زى الكلام
فى المدينة هنالك لفو بينا وتهنا هناك




الكون كلة بيدور

الكون كلة بيدور واحنا وياة بندور واليوم بحر نعدية للحنا بنحلم بية

حبيبى مد اديك دة العلم ملك ادينا الكدب غيطان احزان والصدق الى مدفينا
احلى بكرة لينا تحلى الذكرى بينا طول ما احنا ياناس عايشين ما بنجرحش العاشقين

العمر ايام وسنين بيعدى زى حكاية يقولها بكرة عاشقين لياليهم مش نساية
احلى بكرة لينا تحلى الذكرى بينا طول ما احنا ياناس عايشين ما بنجرحش العاشقين

على جسر اليل ماشين وقمر ليالينا مراية ما بنعرف امتى وفين هتكون لرحلة نهاية
احلى بكرة لينا تحلى الذكرى بينا طول ما احنا ياناس عايشين ما بنجرحش العاشقين




يا ليلة عودي تاني

يا ليلة عودي تاني يا ليلة كوني تاني
خدينا طهر و روح و ردي فينا الروح
خدينا ضمينا دفينا يا ليلة عودي تاني

لا أنا بخبي مكاني ولا كمان عنواني
قطر المحبة نساني عدى وليه عداني

لما تهل المغارب قلبي بيصبح قارب

تليليه يا ليلة يصبح في عينيك هارب

بحر الهموم العالي لوحدي فيه ولا خالي
شطك يا ليلة قبالي والله صورة في خيالي





the fap swan غير متصل  
قديم 29-09-2009, 01:05 PM   #3
elmoshaksanada
 

كلمات جميله جداا
شكرا ليكى يا سلمى ,, وشكرا لمجهودك .


elmoshaksanada غير متصل  
قديم 02-10-2009, 06:29 AM   #4
the fap swan
 

شكرا يا ندا على ردك
نورتيني بمرورك


the fap swan غير متصل  
 
دليل الفنادق‍ دليل الاستضافة دليل السيارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية