منتديات صحبة نت  

»   منتديات صحبة نت > المنتديات العامة > فضفضة وكلام من القلب

 
  #1  
31-08-2010, 01:20 AM
AMR HASAN
المصريين أهمه - جبنه وفينو وقراقيش؟ اسفاف واستخفاف
[IMG]http://img291.**************/img291/9878/73446722.gif[/IMG]


كتب عمرو حسن - مما يدعوا للأسف والضيق أن تصل بنا الأمور وتنحدر لدرجة الإسفاف والاستخفاف بكل شيء , حتى القيم التي يجب عدم المساس بها أو الاقتراب منها أصبحت مشاعا لكل عابث , والموضوع يا سادة يخص احد الإعلانات المذاعة هذه الأيام على الشاشة الصغيرة والذي يستخدم احد الأغنيات الوطنية في إعلانه , مستبدلا كلماتها بكلمات أخرى غير لائقة , .

فبعد أن شَدَت بهذا النشيد الوطني ياسمين الخيام والذي سطر حروف كلماته العبقري صلاح جاهين ليصف المصريين بالتحضر والأيمان والهمة والحيوية والعزيمة والتقدم , وليعبر عن حنين أهل البلد لأبنائها المغتربين ويصفهم بأنهم أفراح القلب وهمَه وشجونه , ويوصي بأن يكون قلوب المصريين متكاتفة وان نُرضي الله عز وجل فيعم علينا الخير والرخاء , ويصف المصري بأجمل الأوصاف التي تجسد واقع وحقيقة تاريخية وحاضرة بان المصري هو في أي زمان ومكان هوه المصري الأسمر أبو ضحكة ترد الروح المميز بين كافة الأجناس , وان المصري صاحب واجب عزيز النفس والكرامة لا يرضى بأي ذل وهوان

لنجد أنفسنا اليوم أمام إعلان يهزأ من هذه القيم والملامح والصفات ويكتب كلمات تتحدث عن حتت الجبنة في العيش الفينو وجمالها وروعتها مع القراقيش والبقسماط , ويقحم المصريين أهمه في الكلمات .

ولازلت لا أعلم كيف لأحدث أبنائي وأحفادي فيما بعد أن مد الله في عمري عندما يرددون هذا النشيد بكلمات الإعلان , وأتساءل في نفسي أي قيم ستغرس في نفوس هؤلاء الأطفال والشباب ممن لا يعلمون شيئا عن المعاني الحقيقية التي عاشتها مصر وأبنائها في أحداث حقيقية وتاريخية مضت بنا كانتصارات حرب أكتوبر المجيدة , وعن الهوية المصرية وملامح المصري , التي أقحمها إعلان مارق يجعل من هذه الهوية في "حتت جبنة وعيش فينو وقراقيش" . فالمصريون الذين اعرفهم وتربيت على معرفتهم هم من قام بوصفهم صلاح جاهين لا غيرهم , فانتبهوا يا سادة , أم أننا أصبحنا "بتوع جبنة وقراقيش وسميط" ؟


لمن لا يعرف كلمات الأغنية فليقرأها :

المصريين أهُمه
فى الدنيا أول أُمه
متحضرين ومؤمنين
المصريين أهُمه
حيوية وعزم وهمه
جيل بعد جيل متقدمين
قلبى وياكو يا مصريين فين ما تكونوا
إنتو أفراح القلب وهمـه وشجـونـه
ومادام قلبنا كده على بعضنا
نرضي ربنا والخير ح يزيد
و تعيشى يا مصر ف عزة ونصر
مرفرف فوقنا علم ونشيد
المصرى فى أى تاريخ ميلادى أو هجرى
وفى أى مكان وزمـان هو المصـرى
لاسمر أبو ضحكة ترد الروح
أعرفه من بين مليون إنسـان
صاحب واجب بفديه بالـروح
ولا يرضـى بذل ولا بهـوان


هذا وقد نما لعملنا اليوم انه صدر قرار من رئيس اتحاد الاذاعة والتلفزيون بحظر اذاعة الاعلان محل المقال لانه غير لائق .

القاهرة في 28 / 8 / 2010 م


من مواضيع العضو بالقسم
  • إرضاء الناس غاية لا تدرك فكن واثقا من نفسك
  • مهارات الاتصال بين الناس - الانصات
  • ضوابط المشاركة والكتابة في فضفضة
  • فن الحياة والتعامل مع الآخرين - الصدق مع النفس أولاً
  • العقل الباطن والعقل الواعي - من اجل انسان افضل
  • يا ترى عنده حق ؟ مين ده ؟ المشرف ؟ العضو ؟ - قول رايك ؟
  • هل أنت إنسان اجتماعي؟
  • خد صاحبك على عيبه - الحلقة 5 من حلقات مش كده واللا ايه ؟
  • هل أنت متحدث لبق؟
  • السكوت علي الخطأ يخلق الجبناء ويمهد الطريق للطغاة
  • رسالة هامة لكل الاعضاء :: الالتزام بطريقة كتابة المواضيع بالمنتدى
  • كيف تجعل معنوياتك مرتفعة دوماً؟
  • هل انت صديق نفسك ؟
  • هل أنت مجنون مع الناس أم عاقل وحيد ؟
  • الكلمة نور الكلمة حلم الكلمة باب
  •   #2  
    31-08-2010, 01:58 AM
    همسة رقيقة
    ميرسي يا استاذ عمرو
    بس انا شايفه انه مجرد اعلان مش بيقلل خالص من قيمتنا
    لان احنا قيمتنا اكبر من كده
    مش اعلان هيقلل من تاريخنا ومجدنا
      #3  
    31-08-2010, 02:00 AM
    majesty
    انا قريته على مصراوى على فكرة

    موضوع جميل جدا يا عمرو
      #4  
    31-08-2010, 02:34 AM
    AMR HASAN
    اقتباس:
    المشاركة الأصلية كتبت بواسطة همسة رقيقة »
    ميرسي يا استاذ عمرو
    اقتباس:
    المشاركة الأصلية كتبت بواسطة همسة رقيقة »

    بس انا شايفه انه مجرد اعلان مش بيقلل خالص من قيمتنا
    لان احنا قيمتنا اكبر من كده
    مش اعلان هيقلل من تاريخنا ومجدنا
    لا ميرسي على واجب

    بس مش معايا ان منعه رسميا من الظهور على الشاشة
    معناه انه مؤثر ؟ وانه غير مناسب ؟ وانه يمس قيمتنا ؟
    خاصة ان فيه فضائيات وجنسيات تانيه كمان بتتفرج ؟
    كمان الاطفال والاجيال الجديدة تعرف قيمتنا من اعلان زي ده؟
    تساؤلات تطرح نفسها

    ترضي ان حد بعد فترة في اي دولة يقولك
    يا مصرية يا بتاعت الجبنه والعيش الفينو ؟
    او يقول : المصريين دول بتوع جبنه وسميط وفينو ؟

    تفتكري هما فعلا يعرفوا قيمة ام الاوطان والبلاد مصر ؟
    ويعرفوا قيمة المصري


    اقتباس:
    المشاركة الأصلية كتبت بواسطة majesty »
    انا قريته على مصراوى على فكرة
    اقتباس:
    المشاركة الأصلية كتبت بواسطة majesty »

    موضوع جميل جدا يا عمرو
    شكرا على الثناء , والاهم من ان الموضوع يكون جميل ان تكون الرسالة هادفة وواضحة ووصلت , اتمنى فعلا ان تحقق الكلمات المطلوب منها فالنقد البناء اساس لسلامة البناء الوطني ده كلام دستور مصر , والحمد لله ان فيه مسؤلين على درجة من الوعي والفهم وبُعد النظر , تقديري , , ,

    اقتباس:
    أغنية "المصريين" تشعل أزمة فى ماسبيرو
    القاهرة: أصدر المهندس أسامة الشيخ رئيس اتحاد الإذاعة والتليفزيون قرارا بوقف إعلان أحد المنتجات الغذائية الذي يستخدم أغنية "المصريين" على التلفزيون , جاء هذا القرار بسبب أن الاعلان التجارى الذى يبث على التلفزيونات يستخدم أغنية المصريين بشكل غير مناسب. المصدر
      #5  
    31-08-2010, 06:42 AM
    Banadora_004
    عندك حق يا أستاذ عمرو
    بجد استخفاف بينا اوى
    الاعلان مسف جدااا
    علشان الجبنة اسمها المصريين
    غيروا الأغنية الوطنية وبقت جبنة وفينو
    وسندوتشات وجابوا الناس نازلة بالشوارع وبتهتف
    علشان الجبنة والله على جبنة المصريين فى رغيف فينو
    :d
    دا ايه الجمال والهيافة اللى بقينا فيها دى
    تسلم بجد ورسالة حضرتك واضحة
      #6  
    02-09-2010, 07:13 PM
    AMR HASAN
    اقتباس:
    المشاركة الأصلية كتبت بواسطة banadora_004 »
    عندك حق يا أستاذ عمرو

    بجد استخفاف بينا اوى
    الاعلان مسف جدااا
    علشان الجبنة اسمها المصريين
    غيروا الأغنية الوطنية وبقت جبنة وفينو
    وسندوتشات وجابوا الناس نازلة بالشوارع وبتهتف
    علشان الجبنة والله على جبنة المصريين فى رغيف فينو
    :d
    دا ايه الجمال والهيافة اللى بقينا فيها دى

    تسلم بجد ورسالة حضرتك واضحة


    انا بقول كده برضه , والغريب ان تلاقي ناس تقول
    اللي عامل الاعلان مش قصده كده خالص
    ده رد جالي في موقع تاني
    اشكرك على حسن فهمك , وردك
    كل سنه وانتي بخير وصحة وسعادة
    سعدت بردك
     





    Powered by vBulletin
    Copyright ©2000 - 2017, Jelsoft Enterprises Ltd

    سياسة الخصوصية
    Developed By Sohbanet