منتديات صحبة نت



»   منتديات صحبة نت > المنتديات الفنية > كلمات الاغاني


 
قديم 29-04-2009, 06:20 PM   #1
سوهاري
 

كلماات اغاني حنان ماضي ,,


"
"
"




امبارح كان



امبارح كان ..كان في الإمكان
اتهجّى ملامحي .. و ينبّت قمحي
بدل الأحزان !

و امبارح فات .. نغمات أنّات
في القلب حزينة .. والحزن أهو بات
وألاقيك هتبات ...ولا فرحة و زينة
في العين هتبان !
..
هاتعود يا زماني ..للقلب أماني
وأمل إنسان ..
وأعيش بكياني .. و افرح بأغاني
ورد الأوطان ..
بدل الأحزان !!
..
يا عيون ميادين .. شايفين شاهدين
على كل حياتي.. ده أكيد راجعين
كل التايهين..
بالحزن يوماتي




مسلسل الوشاح الأبيض 1



وده عاش بيحلم وده .. كان قلبه يشبه لده
عاشق ولكن تاه !!
وده كان ما بين ده وده .. شاهد على كل ده
شايل كتير جواااه !!

والدايرة دارت ما خلت .. والموجة علّت وعلّت
ناس خافوا من بعضهم .. ناس هربوا من نفسهم
ناس قلبهم دلهم .. ولقيوا طوق النجاة

وياما هايكون وياما .. ولحد يوم القيامة
ناس تانية بأسامي تانية .. عايشين ما بين دنيا تانية
دايرين في نفس الحكاية .. على إنها حاجة تانية

طب إيه الجديد يا حياة؟؟
طب إيه الجديد يا حياة؟
طب إيه الجديد يا حياة؟؟!!!


مسلسل الوشاح الأبيض 2



مين مننا كلنا .. ما بكاش ولا غنى
مين مننا كلنا .. ما فضلش يستنى؟
مين مننا كلنا .. ما بكاش ولا غنى
مين مننا كلنا .. ما حلمش بالجنة؟!

ماهو زيكم زينا !! .. الليل بيسهر لنا
والنور بيطلع لنا .. والحب يسمح لنااااااا
مين مننا كلنا .. ما بكاش ولا غنى
مين مننا كلنا .. ما حلمش بالجنة؟؟
وأهو كلنا عايشين .. وأهي كلها أيام
أوقات ندوب م الحنين . أوقات ندوب م الآلام
ماهو زينا زيكم .. من قبلنا وقبلكم
مكتوب لنا كلنا .. فرحتنا أو جرحناااا

مين مننا كلنا .. ما بكاش ولا غنى
مين مننا كلنا .. ما حلمش بالجنة؟!


أيام الدنيا



صدقني ..
أيام الدنيا أحلى من أحلام الأغاني
فيها الشارع وبيتنا .. والحب الأولاني
وفيها اتربى قلبي .. في حضن الناس حبايبي

اسمعني ..
حلوة الأحلام حقيقي .. معلهشِ يا حبيبي
لكن مابين طريقي .. وبينها بر تاني

وبحور هايجة وغريقة ..
وأنا مانيش جريئة
والسكة مخوفاني !! ..
افهمني ..
امبارح كنت جنبي .. في الغنواية الجميلة
قلبك بستان وقلبي .. عصفور ساكن خميلة
وصحيت على الحقيقة .. بعد الغنوة الرقيقة
لقيتني بعيدة عنك .. والغربة مسهراني

أيام الدنيا أحلى من أحلام الأغاني
فيها الشارع وبيتنا .. والحب الأولاني
وفيها اتربى قلبي .. في حضن الناس حبايبي

كلمني ..
إيه رأيك يا حبيبي .. ولا انتا مش معايا
الحلم بدايته رحلة .. لكن فيه النهاية
صدقني الدنيا أجمل .. من حلم يموت ويدبل
وحتى يوم ما يصدق .. يصدق مع حد تاني !!

شباك قديم



نايمة الشوارع و البيوت
و الخطوة بتشق السكوت
وحدي و ذكرى حب ضاع
بيطل من شباك قديم

فاكر يا شباكنا .. لما الهوى شبكنا
النظرة تسحرنا .. و اللمسة تربكنا
اختارنا نعشق ليه..و اختارنا نبعد ليه؟!
و ازاي سوا بعنا .. اللي اتفقنا عليه ؟!!
تنده لي و انده لك .. لما الحنين يهلك
و يضيع ما بيننا الصوت !!

نايمة الشوارع و البيوت
و الخطوة بتشق السكوت
وحدي و ذكرى حب ضاع
بيطل من شباك قديم

عارفة إن أحلامنا .. تاهت في أيامنا
وحنيني و شعوري ..بقى شيء مالوش معنى
إزاي بعدنا سنين ..ومشينا على طريقين؟؟!
و إزاي سوا بعنا ..شوقنا في غمضة عين؟!!
تنده لي و انده لك .. لما الحنين يهلك
و يضيع ما بيننا الصوت !!


نايمة الشوارع و البيوت
و الخطوة بتشق السكوت
وحدي و ذكرى حب ضاع
بيطل من شباك قديم
بيطل من شباك قديم

عصفور المطر



عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!

يا أحلامي الكبيرة .. ما بين أمل وحيرة
سرق الزمان صوتي .. قبل الغنوة الأخيرة !!
يا عصفوري الحزين .. سافر وانسى الحنين
خد مني ذكرياتي .. رجّع تاني السنين !

عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!

يادمعة من بكايا .. بتدور ع النهاية !!
بنعيش نفس الحكاية .. أنا وانتا م البداية
يا عصفوري الجريح .. ليه تعشق التجريح؟
صوتك ده ولا صوتي .. اللى انكسر في الريح ؟!

عصفور في ليل المطر .. وقلبه جمرة نار
يصرخ يقول يا بشر .. بحلم يجيلي نهار !!


لما الكون بينام
(الاغنيه قمه في الروعه فيها احسااس
جميل جداا )



لما يكون بينام بيصحّي الأحلام
ويصحّيني شعور
وف كتبي وأوراقي
بكتب لك أشواقي .. ع الضي المكسور
وباقول لك يا حبيبي يا أمير الأحلام
أنا باسهر وانده لك لما الكون بينام

أنا كل ما بنده لك .. بتزيد المسافات
يغرق صوتي ويهلك .. في بحور الأوقات
والأيام بتفوت .. يدبل ورق التوت
وتدور الفراشات .. ع الضي المكسور
وباقولك يا حبيبي يا أمير الأحلام
أنا باسهر وانده لك لما الكون بينام

يا غريب




يا غريب في الكون يا قلبي .. ياللي حاير في الدروب
كل ما تحزن تخبي .. كل ما تعشق تدوب

امتى يملا الدنيا ضيك .. و الهوا يسكن في حيك
و تلاقيك جوا القلوب !

الليالي تعيشها وحدك .. سكتك تمشيها وحدك
غنوتك للكون مداها .. شكوتك تسمعها وحدك

آه يا قلبي و مين يدلك .. مين يكون في الشمس ضلك
مين يصاحبك في الغروب !

يا غريب في الكون يا قلبي .. ياللي حاير في الدروب
كل ما تحزن تخبي .. كل ما تعشق تدوب

كل ما نوصل لمينا .. نهتدي و نقول رسينا
الشطوط ترفض لقانا .. و البحور تاني تنادينا

اه يا قلبي و مين يضمك .. مين يشيل في الصعب همك
مين يصاحبك في الغروب !

يا غريب في الكون يا قلبي .. ياللي حاير في الدروب
كل ما تحزن تخبي .. كل ما تعشق تدوب


الودع



قال الودع ، لأ ما تودعش .. يادي الجدع ده الحب ما ضاعش
خليك معانا عشان ترتاح .. و الخوف يسافر ولا يرجعش

قال الودع ، حاضر يا غريب .. هيجي يوم و هتبقى حبيب
الجرح صعب ، لكن هيطيب .. يلقى الحبيب مشتري ولا باعش

قال الودع للبحر كلام .. صوتك في قلبي مهوش أوهام
صوتك في قلبي فرح و سلام .. بس العذول بينا ما يسمعش

قال الودع لبلاد الله .. يوم اللقا لازم نحياه
هيجي يوم ما نقلش الآه .. دقة قلوبنا ما تتوجعش !




تاني تاني


تاني .. تاني تاني
هنغني للأيام
تاني .. تاني تاني
هنعدي للأحلام

ليه ننسى ضحكتنا .. أو تبكي غنوتنا
يلا سوا يلا .. نرسم خيوط ضلة
للحلم و نحلم سوا من تاني !

تاني .. تاني تاني
هنغني للأيام
تاني .. تاني تاني
و نعدي للأحلام

لو خانت يوم دنيتنا .. و اتفرقنا في سكتنا
ليه نرضى نمشي معاها .. و نعيش تايهين جواها
خلينا نلم فراقنا .. و نضم قلوبنا نحاول تاني !

تاني .. تاني تاني
هنغني للأيام
تاني .. تاني تاني
و نعدي للأحلام

الحلم اللي مواعدينه .. جايلنا يمد حنينه
ما تيلا نمد ايدينا .. و قلوبنا دي هتعدينا
نحضن يا سنين أشواقنا .. و العمر بفرحة يعود من تاني !

تاني .. تاني تاني
هنغني للأيام
تاني .. تاني تاني
و نعدي للأحلام

ليه ننسى ضحكتنا .. أو تبكي غنوتنا
يلا سوا يلا .. نرسم خيوط ضلة
للحلم و نحلم سوا من تاني !




وكان

وكان ، و كان ، و كان
أولاد و بنات جيران
براءة في كل قلب .. و عيون مليانة حب
كبرنا و عدى عمر .. اخدنا لميت مكان !

و في شارع من بعيد .. و كان اليوم ده عيد
مسكنا ايد في ايد .. حسينا الكون أمان
ضحكنا من قلوبنا .. لما دمعت عيونا
و لاخر الكون سافرنا .. و احنا في نفس المكان !

وكان ، و كان ، و كان
أولاد و بنات جيران
براءة في كل قلب .. و عيون مليانة حب
كبرنا و عدى عمر .. اخدنا لميت مكان !

يا حنين ، يا ذكريات .. يا سنين أحلى الحاجات
نبكي العمر الجاي .. ولا العمر اللي فات !
لو كان بايدينا كنا .. وقفنا سنين زمانا
ليه يضيع العمر منا .. و تعيش الذكريات !

وكان ، و كان ، و كان
أولاد و بنات جيران
براءة في كل قلب .. و عيون مليانة حب
كبرنا و عدى عمر .. اخدنا لميت مكان !

مفيش في الأغاني


مفيش في الأغاني كده و مش كده
تفرقنا عن بعض بالشكل ده !

يا مصر اللي جايبة الشجر من زمان .. و شايلة الضفاير على البرتقان
و قبل الأوان اللي قبل الأوان .. بتحيني أنفاسك المسعدة !

مفيش في الأغاني كده و مش كده
تفرقنا عن بعض بالشكل ده !

عينيكي تغمض و تفتح ، بيبان .. سطوح الليالي عليه الأمان
و بحر الدرة و ورق الامتحان .. بتغني موالي يا مولّدة !

مفيش في الأغاني كده و مش كده
تفرقنا عن بعض بالشكل ده !

بحبك كأني طليق العناااااااااان .. و زي العجوز اللي دق البيبان !
و زي الكتاب اللي كان ياما كان .. و زي الرصيف اللي في السيدة !

مفيش في الأغاني كده و مش كده
تفرقنا عن بعض بالشكل ده !

أنا اللي زرعت البيوت و العيدان .. ما يمنعش عقلي ، شوية جنان !
هيرجع لاسمك رنين الحنان .. قتيل المحبة ، يموت في الندا !

مفيش في الأغاني كده و مش كده
تفرقنا عن بعض بالشكل ده !



امتى الكلام يبتدي


(مقدمة موسيقية )


امتى الكلام يبتدي .. طوّل ما بينا سكوت
هاسمع في قلبي الصوت .. لو ابتدى
امتى الكلام يبتدي .. سايب في قلبي غصون
ورودها لو هتخون .. تنزف ندا

الدمع قال عالورق .. الحب ليه اتسرق
كان لسه طفل بيحبي .. و هو طفل اتخنق !

تاه النهار مننا .. تاه النهار زينا
ليلنا سكن فجرنا .. ضاع الأمان !

امتى الكلام يبتدي .. طوّل ما بينا سكوت
هاسمع في قلبي الصوت .. لو ابتدى
امتى الكلام يبتدي .. سايب في قلبي غصون
ورودها لو هتخون .. تنزف ندا

كلمة و يوم قلتها .. بين الكلام عشتها
صدقتها بس انت .. خليتني كدبتها !

قلت اللي فات ، انتهى .. كل الحاجات ، كلها
معناها ضاع انها .. ملهاش صدى !

امتى الكلام يبتدي .. طوّل ما بينا سكوت
هاسمع في قلبي الصوت .. لو ابتدى
امتى الكلام يبتدي .. سايب في قلبي غصون
ورودها لو هتخون .. تنزف ندا

وانتا بعيد



وانتا بعيد .. وأنا وحدي في ليل الخوف والبرد
وانتا بعيد .. يدبل ع الأغصان الورد
تصحى الذكريات .. والشوق والآهات
وتمر الدقايق .. أطول م الساعات !
وانتا بعيــــــــــــــــــد

وانتا بعيد .. بغرق وحدي في ليل الشك
أنسى الناس .. أنسى العالم وافتكرك
بتذكّر حاجات .. واكتب لك حاجات
وانده لك بقلبي .. يهزمني السكات !!
وانتا بعيــــــــــــــــــد


عدى الهوى



عدّى الهوى عدّى .. ميّل هنا وهدّى
شاور برمش العين .. ردوا عليه قلبين
قلبين وأنا منهم .. آآآه م الهوى ومنهم
قلب انكوى ولا تاب .. والتاني حن وداب
وبعد صبر سنين .. طلع الهوى كداب !!!

عدى الهواب غلاب .. خبط فتحنا الباب
حاكم بسحر العين .. يلا النجاة م العين
سميت على قلبي .. مجنون ويلعب بي
قلبي انسرق واختار .. بين الحنين والنار
وبعد عشق سنين .. طلع الهوى غدااااااار !!

من بين السهرانين (ليالي منسية)




من بين السهرانين .. لعب الهوى بيا
خدني ويا الحنين .. لليالي منسية !!

عليا شوقي .. وف قلبي نار
ما اقدرش أخبي .. ما أقدرش أداري
مش عارفة مالي ؟!! .. وإيه جرالي؟
حبك في لحظة غير لي حالي
صحى الهوى فيا !!

من بين السهرانين .. لعب الهوى بيا
خدني ويا الحنين .. لليالي منسية !!

رجعني تاني .. لسنين زماني
وليالي حبك الأولاني
ومشيت وروحي .. بتقول لروحي
على أحلى ذكرى مستنياني
وليالي حنية !!!
من بين السهرانين .. لعب الهوى بيا
خدني ويا الحنين .. لليالي منسية !!

البحر بيخطفني



البحر بيخطفني .. يحكيلي ويغني
البحر ده مش مية !! .. أو موجة فوق صخرة !!
البحر ده أغنية .. بسمعها ميت مرة
من تاني (بتوحشني) .. البحر بيخطفي

حبيبي قلي اتمني .. أنا قلت جيت ع البحر
بعتلي شوقه وخدني .. بصيت لقيت البحر
قالي هاقولك سر .. بس انتي عارفة السر
اللي في بالك جالي وقالي عليكي شعر

احب أنام ما اسمعش .. غير صوت غناك يا بحر
اصحى وأقول ما افرحش .. إلا بهواك يا بحر
احب موج البحر .. واحب شط البحر
واحب أنا ما اكرهش .. وانا معاك ع البحر


البحر بيخطفني .. يحكيلي ويغني
البحر ده مش مية !! .. أو موجة فوق صخرة !!
البحر ده أغنية .. بسمعها ميت مرة
من تاني (بتوحشني) .. البحر بيخطفي






شارك اصدقاءك الموضوع

كلماات اغاني حنان ماضي ,,
http://www.sohbanet.com/vb?s=79310af5e6c419be9e4de105f34a604b/showthread.php?s=79310af5e6c419be9e4de105f34a604b&t=93831



سوهاري غير متصل  
قديم 29-04-2009, 06:23 PM   #2
سوهاري
 

حيرة



كل ما يكبر حبك فيا كل ما اخاف م الناس وأغير
واما بافكر بحتار أكتر وبسافر في الخوف مشاوير

فكرة تاخدني وفكرة تجيبني .. وفكرة تحرم عيني النوم
وتبعدني وتقربني .. كل ده كوم وخصامك كوم
يصحى الشك ف قلبي حريقة .. مين وازاي واشمعنى وليه؟
يا اللي ف بحرك رحت غريقة .. برك فين رسيني عليه

انتا حبيبي صحيح يا حبيبي وانتا الدنيا بكل ما فيها
بس الدنيا دي فيها أمانة ...فيها خيانة وفيها وفيها
علشان كده أنا كل ما احبك .. كل ما اخاف منك واحتار
واقعد أفكر واحتار أكتر واتغرب ويا الأفكار
كل ما يكبر حبك فيا كل ما اخاف م الناس وأغير
واما بافكر بحتار أكتر وبسافر في الخوف مشاوير




ليلة عشق



في ليلة عشق وخداني .. على شط الهوى التاني
قابلت البحر في عيونك .. شربته عطشت من تاني
هيا دي بدايتك معايا .. شوف بقى قلبي وجنوووووونه !!

بشرع العشق ع العشاق وع المجاريح
في بحر عنيك فردت قلوعي ويا الريح
سهر ليلتها البدر يتوانس معايا
وحط صورته جنب صورتي في المرايا
أأأه .. وصدقوني ضحكتله .. ضحك وقالي وقلتله
وحكينا أسرار الهوى .. وازاي ندهني وروحت له
وازاي قاسيــــــــت وازاي تعبت !!!!!!!!!!!

ومن ليلتها وقلبي مش طايق حنانه
ومن ساعتها وهو مش نايم مكانه
سهران في ذكرى أحلى ليلة من زمان
داير يدور ع اللى راحوا واللى كانواأأه .. اعقل يا قلبي مش كده
يقول لي لأ هو كده
وأقوله إيه أخرة كده؟؟
يقولي أنا مبسوط كده
ما تحاسبونيش مادام عشقت !!!!
في ليلة عشق وخداني .. على شط الهوى التاني
قابلت البحر في عيونك .. شربته عطشت من تاني
هيا دي بدايتك معايا .. شوف بقى قلبي وجنوووووونه !!




شدى الضفاير


امايه يا امه
شدى الضفاير
شدى رباطها .. عصبينى
لو قادرة يا امه
تقيديها .. قيديها
وقيدينى !!

شعورى موجة
عماله تلعب
عماله ترقص
فوق جبينى
شعورى شوق
وبشوقى حايرة
ما انا عارفه ماشية
ما انا عارفه طايرة

وكلام فى سرك
وبقولها مُرة
عذاب بحسه
عذاب وثورة

امايه يا امه
شدى الضفاير
شدى رباطها .. عصبينى
لو قادرة يا امه
تقيديها .. قيديها
وقيدينى !!

امايه يا امه
جوايا ليه
امايه يا امه
جوايا ايه
جوايا حيرة
جوايا ضلمة
جوايا طير
قلقان فى عشُه
لا انا قادرة اشيله
ولا قادرة اهشُه

وكلام فى سرك
وبقولها مُرة
عذاب بحسه
عذاب وثورة

امايه يا امه
شدى الضفاير
شدى رباطها .. عصبينى
لو قادرة يا امه
تقيديها .. قيديها
وقيدينى !!





هانغني الليلة


هيلا هيلا وهيلا اللية هنتلاقى
الله ع الدنيا اما بتضحك وتنادي قلوبنا المشتاقة
هيلا هيلا وهيلا اللية هنتلاقى
هيلا هيلا وهيلا اللية هنتلاقى

ياسلام ع النسمة اما تعدي .. وتغني وترقص حوالينا
السما ألوان والكون وردي .. والحب بيضحك في عنينا
الليلة اللية هنتلااااااااااقى
هيلا هيلا وهيلا اللية هنتلاقى
هيلا هيلا وهيلا اللية هنتلاقى

شجر الأحلام عالي وطارح ..والورد بيرقص على عوده
كل اللي مخاصم يتصالح .. واللي اتغربوا بكرة يعودوا
الليلة اللية هنتلااااااااااقى
هيلا هيلا وهيلا اللية هنتلاقى
هيلا هيلا وهيلا اللية هنتلاقى


هانغني الليلة


هيلا هيلا وهيلا اللية هنتلاقى
الله ع الدنيا اما بتضحك وتنادي قلوبنا المشتاقة
هيلا هيلا وهيلا اللية هنتلاقى
هيلا هيلا وهيلا اللية هنتلاقى

ياسلام ع النسمة اما تعدي .. وتغني وترقص حوالينا
السما ألوان والكون وردي .. والحب بيضحك في عنينا
الليلة اللية هنتلااااااااااقى
هيلا هيلا وهيلا اللية هنتلاقى
هيلا هيلا وهيلا اللية هنتلاقى

شجر الأحلام عالي وطارح ..والورد بيرقص على عوده
كل اللي مخاصم يتصالح .. واللي اتغربوا بكرة يعودوا
الليلة اللية هنتلااااااااااقى
هيلا هيلا وهيلا اللية هنتلاقى
هيلا هيلا وهيلا اللية هنتلاقى


عنب البساتين



لا لا .. عنب البساتين
لا لا.. غرق فدادين
لا لا..قمنا احنا شربنا
لا لا..رحنا مسافريــن

لا لا..عدينا السور
لا لا..على أرض النور
لا لا.. فارشين دوار
لا لا..داير ما يدور

لا لا..شوفنا العصافير
لا لا.. تخطف وتطير
لا لا..ضحكوا الأطفال
لا لا..نفخوا الزمامير

لا لا.. ع الواد حسّان
لا لا..أبو نص لسان
لا لا..حسان اتكلم
لا لا..فرحت إحسان !!

لا لا..و قطفنا كمان
لا لا..ورد البستان
لا لا..والشمس عروسة
لا لا..والسكة أمان

لا لا..خالتي أم هلال
لا لا..غزلت موّال
لا لا..غنوا العاشقين
لا لا..و العشق حلاااااااال


يا نوّار يا دوّار
ع البلكونة و ع الأسوار
هات القدرة خلي الخضرا
تسرح تملا الدنيا عمار


هنا وهنا



هنا و هنا.. أيوه هنا
جانا الهوى و ندهلنا
أنا و حبيبي لوحدنا
و الفرحة جاية تضمنا

هنا و هنا..أيوه هنا
طلع القمر..فوق الشجر
لأنه عارف حبنا
خدنا معاه خدنا
فوق في سماه خدنا
وسط السحاب
القلب داب
و الحزن غاب
عيشنا معاه عيشنا
و دبنا في هواه دبنا
وسط السحاب
القلب داب
و الكون كأنه ملكنا !!


هنا و هنا.. أيوه هنا
جانا الهوى و ندهلنا
صحى النجوم
من أحلى نوم
خلاها تحرس حبنا
جانا النسيم جانا
للفرح ودانا
إنت و أنا في حبنا
مين قدنا؟!!
غنى الفؤاد غنى
قال للهوى استنى
دا عمرنا
بدا من هنا
سمعنا ضحكة قلبنا


سهر سهر



سهر سهر .. محلى السهر
مكتوب على جبين القمر
أصل الهوى..يا صغيرة
زي القضا و زي القدر
و ان رق قلبك للهوى
راح تسهري ويا القمر
محلى السهر

و لو ولو
عمري في يوم ما هرق له
-هنفكرك
ووإن مرة شاور من بعيد ما هبصله
- ونسهرك
هبقى أفتكر أهل الهوى
و اللي جرالهم م السهر
آه م السهر

قلبي أنا وردة ربيع متشوقة
-هايحن له
يفرح كتير من أي كلمة مزوقة
-هايرق له
لكن صغيّر ع الهوى
خايفه يدوبه السهر
آه م السهر


- مالها الحياة؟
حلوة النهاردة مزوقة
-يبقى حصل !!
و الضحكة ياه..
من قلبي طالعة مروقة
لو كان كده طبع الهوى
أسهرهر و أغني للقمر
محلى السهر




من يوم ما قابلتك




من يوم ما قابلتك وأنا قلبي
مش قادر ينسى ولا يخبي
و ييجي الليل يدوبنيي
ولا بينسى ولا بيقسى
ولا بيهدى ولا بيرضى
قلبي !!!!!

و تعالى نعيش
أنا و انت هنقدر ع الأيام
في الدنيا مافيش
أجمل م الحب و م الأحلام

أنت إللي بُحبك خلتني
لو ثانية فبعدك بتفوتني
روحي بتسبقني و تجري عليك
و بكل حنين تنده لياليك
ألقاها تشطط و تجيبني

أيام بقربك بحسبها
و بعيشها ولا لحظة بسيبها
خلينا ندوب لا عتاب ولا لوم
و الدنيا يا قلبي ان قسيت يوم
بالحب نعيشها و نغلبها

من يوم ما قابلتك وأنا قلبي
مش قادر ينسى ولا يخبي
و ييجي الليل يدوبنيي
ولا بينسى ولا بيقسى
ولا بيهدى ولا بيرضى
قلبي !!!!!



يا نسمة هلّي






يا نسمة هلّي هزي الستاير
الشوق غالبني و القلب حاير
نفسي و منايا في الليلة ديا
تطول نجوم السما إيديا
و كل عاشق أديه هديّة
يبات و قلبهبالفرحة طاير

يا نجمة ياللي هناك بعيدة
شايفاكي زيي في الليل وحيدة
لسه الليالي ع الشوق بعيدة
وياما عشنا والقلب حاير
يا نسمة هلّي هزي الستاير
الشوق غالبني و القلب حاير

نفسي و منايا لو كان بأمري
أقول لغيمة أيامي مري
يرجع ينور سمايا قمري
وبالمحبة يرسم دواير
يا نجمة ياللي هناك بعيدة
شايفاكي زيي في الليل وحيدة
لسه الليالي ع الشوق بعيدة
وياما عشنا والقلب حاير



روحي وروحك



روحي و روحك يا روحي روحين بروح
إن راحت روحك يا روحي روحي بتروح

جاية و رايحة بأشواقي من غير عنوان
يمكن بالصدفة تلاقي طيرك ف مكان
و إن كان تايه عن حالي ولا ف نسيان
قوله أنا جاية و هوايا .. بيرد الروووح

داير طيرك على داري ومعاه مرسال
راجع ليه؟؟ مصدقتش وبقول ده خيال
عود بالخطوة الملهوفة وبلاش ترحال !!
ده أنت الغنوة الموصوفة لآهات الروح

حالف طيري ماهو طاير لو طيرك غاب
حالف يتلاقوا ضفاير زي الأسراب
غنوتنا صبحت غنوة كل الأحباب!!
و صداها يوصل قلبك مطرح ما تروووح





"
"
"
"
ـــــــــــــــــــــــــــــــــــــــــــــ







سوهاري غير متصل  
قديم 29-04-2009, 06:33 PM   #3
قاتل الاساطير
 

مشكوره سوهارى على الكلمات
روعه الصراحه وكويس انك جبتى الكلمات دى
كنت ابحث عنها وبتعرفى السبب هههههه


قاتل الاساطير غير متصل  
قديم 29-04-2009, 06:39 PM   #4
قاتل الاساطير
 

لما يكون بينام بيصحّي الأحلام
ويصحّيني شعور
وف كتبي وأوراقي
بكتب لك أشواقي .. ع الضي المكسور
وباقول لك يا حبيبي يا أمير الأحلام
أنا باسهر وانده لك لما الكون بينام


أنا كل ما بنده لك .. بتزيد المسافات
يغرق صوتي ويهلك .. في بحور الأوقات
والأيام بتفوت .. يدبل ورق التوت
وتدور الفراشات .. ع الضي المكسور
وباقولك يا حبيبي يا أمير الأحلام
أنا باسهر وانده لك لما الكون بينام


"
"
"
"
""


احسن اغنيه وانتى عارف ليش
ههههههههه


قاتل الاساطير غير متصل  
قديم 29-04-2009, 07:06 PM   #5
basbosa2001
 

شكرا ليكى جداااااااا سوهارى
اختيارك لاغانى حنان ماضى اختيار موفق
لانها فنانه جميله ولها صوت واحساس رائع
وليها اغانى كتير حلوه
خصوصا ليله عشق بحبها جداااااااا
تستحقى التقييم


basbosa2001 غير متصل  
 
دليل الفنادق‍ دليل الاستضافة دليل السيارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية