منتديات صحبة نت


»   منتديات صحبة نت > المنتديات العامة > الشعر والادب

 
قديم 23-07-2009, 03:38 PM   #1
العندلييب
 

احمد فؤاد نجم - يا هوى الاحلام يا عزة :: كلمات القصيدة
اقتباس:
أعتذر إذا وجد خطأ في الكتابة
وأرجو منكم عدم الرد بكلمة [ شكراُ ]
الرد يكون تعليق على كلمات القصيدة
لكم مني كل تحية وتقدير


الغرام في الدم سارح
الهوى طارح معزة
والحنين للقرب بارح
والنوى جارح يا عزة

يا ابتسامة فجر هلت بددت ليلي الحزين
يا ندى الصبح اللي سأسأ فوق خدودي الدبلانين
بل شوقهم صحى لون الورد فوقهم
كل خد وشملو وردة مين يدقهم
غيرك انتي ومين سواكي يا حياتي يا ملاكي
يا نسيم الحب لما هب هز القلب هزة
يا هوى الاحلام يا عزة

الليلادى جم خدوني يا ملاكي جوز تنبلة ونص دستة من التيران
كنت بحلم يا حبيبتي كنت بحلم بيكي انتي
كنا قال انا وانتي قال في جنينة خضر ومحاوطها البرتقال والسيسبان
وانتي جوة قرنفلاية بالعبير بتستحمي
اجري يامك يا هوايا تسبقيني وتحري يامي احضنك واشرب عبيرك من شفايفك
والغصون وقفا شايفة بتراعينا بس خايفة من العيون
والعيون بتقول كلام والكلام طاير حمام
بينادينا بالاغاني ويهادينا بالسلام
كنت بحلم با حبيبتي كنت بحلم بيكي انت
ايوة انتي ومين سواكي يا حياتي يا ملاكي
يا نسيم الحب لما هب هز القلب هزة
يا هوى الاحلام يا عزة

وانطلق في الجو فجأة يا حبيبتي صوت مفاجأة
صوت يخلي الدم يجمد
اصحى يا احمد
اصحى يا احمد
وانتهى الحلم الجميل وابتدى الهم التقيل
فين امام
انتو مين
احنا ناس مكلفين
تيجي سالك مش هتتعب
واحنتا طبعا معظورين

انتو دود الارض والآفة المخيفة
انتو ذرة رمل في عنين الخليفة
انتو جرباك المظالم والمقاسي
انتو علة في جسم بلدي انتو جيفة

سكتوه ابن الكلاب
سففوه من التراب
فتشو كل الاماكن طلعو رفوف الدولاب

كمموني يا حبيبتي كتفوني يا حبيبتي
قوموني قعدوني
كل شعرة في جسمي بالعين فتشوها
المخدة من جنناهم شرحوها
وانتهى التفتيش مفيش
صدقيني ما تخافيش
هو في يا عزة عندي ممنوعات
غير بحب الناس وبكره السكات

بص واحد من التنابلة جوة عيني
وانتي عارفة عنيا صافيا وطيبين
زي كل عيون بلدنا يا حبيبتي شباكين على القلب دوغري موصلين
كان مناه يلمح علامة خوف بسيطة
طب هييجي الخوف منين ابن العبيطة
هو مين فينا الجبان
ولا مين فينا اللي خان
اللي قلبه بالمحبة وبالآماني وبالربيع الاخضر مزهر والاغاني
واللا كلب الصيد واسياده الأبطرة أكلين لحم البشر فوق الصواني
هو مين فينا الجبان واللا مين فينا اللي خان
هو بص في عيني بصة ارتجف وفي حالته قصة
واتعوج ومال وقال كلمتين مش مفهومين

اصله شاف صورتين جمال في العيون الطبيبن
مصر في العين الشمال وانتي في العين اليمين

ايوة انتي ومين سواكي يا حياتي يا ملاكي
يا نسيم الحب لما هب هز القلب هزة
يا هوى الاحلام يا عزة

:::::::::::::::::::::::::::::::::::::

صحبة نت
ارض
الابداع
والتميز
/
SohbaNeT.CoM



عنوان ورابط الموضوع للحفظ والمشاركة
احمد فؤاد نجم - يا هوى الاحلام يا عزة :: كلمات القصيدة
http://www.sohbanet.com/vb?s=b94dc2ab7c493482783ad1f67efaaac6/t118196.html


 
قديم 23-07-2009, 05:30 PM   #2
نتالي
 

وهل روائع فؤاد نجم تحتاج الى تعليق
فهو دائما رائع وصاحب ابداع يفوق الخيال
تقبل تحياتي لك اخي العندليب على ما قدمت
مجهود رائع ,,,
 
قديم 23-07-2009, 05:41 PM   #3
محمد ابو الفتح
 

اختيار احمد فؤاد نجم اختيار رائع ومميز
شكرا لما نقلت لنا اخى العندليب
 
قديم 23-07-2009, 05:45 PM   #4
العندلييب
 

اقتباس:
المشاركة الأصلية كتبت بواسطة نتالي »
وهل روائع فؤاد نجم تحتاج الى تعليق
فهو دائما رائع وصاحب ابداع يفوق الخيال
تقبل تحياتي لك اخي العندليب على ما قدمت
مجهود رائع ,,,

بالتأكيد .. شكراً نتالي على ردك الرائع


اقتباس:
المشاركة الأصلية كتبت بواسطة محمد ابو الفتح »
اختيار احمد فؤاد نجم اختيار رائع ومميز
شكرا لما نقلت لنا اخى العندليب

انا مش نقلت
انا سمعت وكتبت

شكراً محمد لمتابعتك
 
قديم 23-07-2009, 05:50 PM   #5
عـاشق الحياه
 

مجهود ممتاز يا عندليب وأحمد فؤاد نجم غني عن التعريف
مين احنا عشان نعلق ههههههه ده سيد الشعر العامي والثوري
شكرا ليك
 
 
دليل الفنادق دليل لااستضافة دليل السارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية

Content Relevant URLs by vBSEO 3.6.0 PL2