منتديات صحبة نت


»   منتديات صحبة نت > منتديات المرأة > ازياء

 
قديم 05-09-2009, 01:38 AM   #1
خلودالحب
 

ربطات حجاب شيك جدا .. شرح طريقة لفها بالصور
دي مجموعة من الربطات الإسبانش للبنات اللي بتحب إنها تلبس إسبانش بس في نفس الوقت بتحب الطرحة تكون مغطية منطقة الرقبة.. وعلى فكرة مجموعة الربطات دي بسيطة جدا وسهلة في التنفيذ بس أنتِ امشي واحدة واحدة زي ما إحنا هنقولك ولو أول مرة ما طلعتش الربطة مضبوطة معاكي جربي تاني وإن شاء الله هتطلع معاكي مضبوطة وزي الفل..
الربطة الأولى
1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك.
..

2ç هتجيبي دبابيس علشان تثبتي الإيشارب في منتصف رأسك... هتجيبي أحد أطراف الإيشارب وتلفيه حوالين رقبتك وتثبتي طرف الإيشارب بدبوس على أحد الأجناب.
ده الشكل النهائي اللي هتلاقيه في النهاية



الربطة التانية
1- هتجيبي إيشارب طويل وتربطيه كويس من الخلف وياريت الربطة دي تكون حوالين كحكة شعرك... هتجيبي الإيشارب التاني وتحطيه من قدام بطريقة مائلة بحيث إن جزء من الإيشارب الأولاني يبان وتربطيه من الخلف..

2- هتلفي أحد أطراف الإيشارب الأول حوالين كحكة شعرك مرة واحدة وتثبتي الطرف ده بالدبابيس كويس وتسيبي الطرف التاني علشان تعملي بيه ضفيرة... هتجيبي أحد أطراف الإيشارب الثاني وتلفيه حوالين رقبتك وتثبتيه بدبوس من على الجنب
3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..
على فكرة ممكن تبتكري حاجات تانية في اللفة دي زي مثلا إنك تحطي الإيشارب التاني بشكل ثابت على رأسك مش مائل بحيث إن جزء بسيط من الإيشارب الأولاني يبان.ده الشكل النهائي اللي هتلاقيه في النهاية






عنوان ورابط الموضوع للحفظ والمشاركة
ربطات حجاب شيك جدا .. شرح طريقة لفها بالصور
http://www.sohbanet.com/vb?s=a7468a439883cd4f1d9ef6eab4c9d5d8/t132436.html


 
قديم 05-09-2009, 01:39 AM   #2
خلودالحب
 

الربطة الثالثة
1- هتربطي شعرك بالإيشارب من الخلف.. هتجيبي إيشارب تاني يكون لونه مناسب للون الإيشارب الأولاني وتحطيه في منتصف رأسك وتربطيه هو كمان من الخلف
2- هتبدئي في إنك تلفي الإيشارب التاني حوالين كحكة شعرك وتثبتي اللفة دي بالدبابيس.

3- هتجيبي أطراف الإيشارب الأولاني وتربطيه حوالين رقبتك من الأمام.. على فكرة بالشكل ده ممكن تستغني عن الكوفيه الصوف اللي ممكن تلبسيها في الشتاءده الشكل النهائي اللي هتلاقيه في النهاية



الربطة الررابعة 1. هتجيبي بندانة صغيرة وتربطي بيها شعرك وتجيبي إيشارب طويل وتحطيه في منتصف رأسك بطريقة مائلة أو عادية بس أهم حاجة إن جزء من البندانة يبان... هتربطي الإيشارب على أحد الجوانب وتجيبي أحد أطراف الإيشارب وتحطيه على رأسك..

2. هتجيبي دبابيس وتبدئي تثبتي طرف الإيشارب على رأسك بطريقة مائلة.. وتمسكي الطرف الثاني من الإيشارب وتلفيه على الجنب بطريقة فيها كشكشة مثلا أو على شكل وردة وتثبتيه بالدبابيس على جنب.
ده الشكل النهائي اللي هتلاقيه في النهاية




الرابطة الخامسة
1. هتجيبي بندانة وتلمي بيها شعرك.. وبعد كده تجيبي إيشارب تاني وتربطيه أسفل الكحكة.. وتبدئي في برم أطراف الإيشارب مع بعضها وتربطيها من الآخر كويس قوي

2. هتلفي أطراف الإيشارب حوالين الكحكة كذا مرة وممكن تلفيها كلها أو تسيبي منها جزء ينزل على الظهر أو على الكتف بس خدي بالك إنك هتثبتي اللي أنت بتلفيه ده بدبابيس.
ده الشكل النهائي اللي هتلاقيه في النهاية

 
قديم 05-09-2009, 01:43 AM   #3
arwaegy
 

السلام عليكم ورحمه الله وبركاته
شكــــــــ وبارك الله فيك ــــــــرااااااااا
على الموضوع الحلو دا
ياخلوووووودة

 
قديم 05-09-2009, 01:46 AM   #4
خلودالحب
 

اقتباس:
المشاركة الأصلية كتبت بواسطة arwaegy »
السلام عليكم ورحمه الله وبركاته
شكــــــــ وبارك الله فيك ــــــــرااااااااا
على الموضوع الحلو دا
ياخلوووووودة

وعليكم السلام ورحمة الله وبركاته شكرا ليكى انتى ياقمر على ردك الجميل دى
 
قديم 05-09-2009, 01:46 AM   #5
ELJANA
 

ربطات حلوه اوىىىىىىىىىىى
تسلم اديكى
 
 
دليل الفنادق دليل لااستضافة دليل السارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية

Content Relevant URLs by vBSEO 3.6.0 PL2