منتديات صحبة نت


»   منتديات صحبة نت > المنتديات الترفيهية > ضحكة من القلب

 
قديم 24-09-2009, 01:57 PM   #1
karem_cr
 

ارزل نكت في العالم !!
اليوم اقدم لكم نكت رخمة جدا وده العادي مني هاهاها
ليه ابوتريكة بيلبس فانلة 22 ؟

عشان 21 ضيقة عليه



طب ليه مبيلبسش 23 ؟

عشان فلافيو بيلبس 23



طب ايه هو الحيوان التعيس؟

القطة

ليه؟

عشان ديما تخربش ومتكسبش



طب ايه الحيوان اللي دايما مشغول؟

الخرتيت .. تيت .. تيت



طب ايه الحيوان اللي بياكل ويشرب بديله؟

كل الحيوانات بتاكل وتشرب بدلها .. عمرك شفت حيوان ساب ديلو وراح
ياكل؟


طب ايه اقدم حيوان؟

الحمار الوحشي .. عشان ابيض واسود



طب ايه هو اجدد حيوان؟

القنفد .. ليه ؟

عشان بشوكه..والكنغر علشان بكيسه



طب ليه التلاجة غبية؟

عشان بتحفظ الاكل .. مبتفهموش



ماهي قمة الحيرة؟

يقال لك اجلس في ركن غرفة مستديرة





ماهو قمة الذكاء؟

ان تجد ركن للغرفة





ماهو قمة الالم؟

التزحلق على زحلاقة مغطاة بشفرات حلاقة وشظايا الزجاج




ماهي قمة العذاب؟

السقوط بعد ذلك في حوض بة كولونيا



ليه الهرم فيه حتة حديدة من فوق؟

عشان يتشال منها وينضفوا تحتيه



طب ازاي تعرف البواب الصعيدي؟

بينضف الاسانسير في كل دور



ايه الشبه بين الجرنان والشمس ؟؟

الاتنين بيطلعوا الصبح



ايه الشبه بين التفاح والكمثرى ؟؟

الاتنين مش جوافة



ايه الشبه بين الصعيدي الذكي وسوبر مان ؟؟

الاتنين خيال علمي



ايه الفرق بين الصحراء وايام الاسبوع وموس لورد ؟؟

الصحراء مفيهاش حد ايام الاسبوع فيها حد موس لورد فيه حدين



واحد وقع من الدور التاسع

لقى ايه؟؟

لقى مصرعه



ليه الارنب مبيعديش من قدام القهوة ؟؟

بيخاف من السحلب المكار



دكتور اسنان ارتكب جريمة يسجنوه فين ؟؟

في سجنال تو



ليه نابليون كان بيقعد قدام التلاجة ؟؟

عشان يستنى حملة فريزر


ايه هي قمة الأدب ؟؟

انك تخبط علي باب التلاجه






ايه هي قمة الصبر ؟؟

انك تستنى حد يفتحلك



ايه هي قمة الدهشة ؟؟

حد يفتحلك فعلا



إيه وجه الشبه بين الحلاق وجورباتشوف ؟

الإتنين بيتعاملوا مع الروس



إيه وجه الشبه بين القمر وصينية البطاطس ؟

الإتنين ميتعملوش عصير مانجو



إيه العلاقة بين الكمبيوتر والحفرة ؟

الكمبيوترحاسب آلى أما الحفرة حاسب لتقع



ليه الأرجنتين مش بيزرعوا تين ؟

لأنها من الدول اللا....تينية



إية الفرق بين الزيتون والليمون ؟؟

التانى بيتعمل لاموناته والأول ما بيتعملش زاتوناتة



إية الفرق بين الزمالك وا لشـامبو البرت بلص؟؟

البرت بلاس 2 فى 1 لكن الزمالك 2 فى عبد الواحد



واحد بيحدف زلطة على بيت ازاز والبيت محصلوش حاجة ليه؟

عشان الزلطة مجتش فيه



طب كتكوت بيعدي الشارع و فجأة مات .. ليه؟

الزلطة جت فيه



حاجه طايراه فى السما وبتقول نياو ايه هى؟؟؟

قطه بيضاء مضروبه بالشلوت



طب حاجه سوده طايره فى السما وبتقول نياو ايه هى؟؟؟

غراب بيستهبل



طب حاجه بنى طايراه فى السما وما بتقولش حاجه ايه هى؟؟؟

فرده الجزمه بتاعه الراجل الى ضرب القطه البيضاء



طب حاجه سوده طايراه فى السما وما بتقولش حاجه ايه هى؟؟؟

غراب عاقل وما بيحبش يستهبل



حاجه زرقاء طايره فى السما ايه هى؟؟؟

ذبابه لابسه بنطلون جينز ازرق



طب حاجه سوده وفيها خط احمر وطايراه فى السما من الشرق للغرب ايه
هى؟؟؟
ذبابه لابسه فستان سواريه وحاطه روج ورايحه فرح واحده صاحبتها



طب حاجه سوده وفيها خط احور وطايراه فى السما من الغرب للشرق ايه
هى؟؟؟
نفس الذبابه نسيت حاجه فى البيت فرجعت تجيبها



حاجه سوده ماشيه فى الصحراء ايه هى؟؟؟

سرب نمل رايح يعزى



نقطه سوده على الحيطه ايه هى؟؟؟

ذبابة



طب نقطتين سود على الحيطه تبقى ايه؟؟؟

فيشه



طب 3 نقط سود على الحيطه تبقى ايه؟؟؟

ذبابه وفيشه





حاجه رفيعه وطويله ولونها ابيض ايه هى؟؟؟

فتله بيضاء



طب حاجه رفيعه وطويله ولونها اسود ايه هى ؟؟؟

خيال الفتله البيضاء


ازاي تحط فيلين في ازازه من غير ما يلمسو بعض ؟؟

تحط مابينهوم فيل تالت


طب ازاي تركب 4 فيلة على بسكلته؟

واحد يسوق ويمسك الازازة



ازاى نركب اربع فيلة فى عربية فولكس

اتنين ورا واتنين ادام



طب8فيلة فى مرسيدس

نبيعهاونشترى عربيتين فولكس ويبقى اتنين ورا واتنين ادام

ازاي تعرف ان في 4 افيال في سيتي ستارز؟؟

هاتلاقي الفولكس راكنا بره





ازاى نصطاد الفيل الاحمر؟

ببندقية الفيل الاحمر



ازاى نصطاد الفيل الاخضر؟

نستنى لما يستوى ونصطاده ببندقية الفيل الاحمر



ازاى نصطاد الفيل الازرق؟

نكسفه وشه يحمر ونصطاده ببندقية الفيل الاحمر



دكتور اتجوز محامية خلفوا ولد يسموه ايه؟

احمد على اسم جده



ايه الفرق بين القلة والزير؟

فى فوازير ومافيش فوا قلة



ايه عكس كونكريت؟

لاتكن كريت



ايه عكس زمان؟

زا ومن (The Woman)



ازاي نحط فيل في الثلاجة على ثلاث مراحل؟

نفتح الثلاجة - ندخل الفيل في الثلاجة - نقفل الثلاجة



طب ازاي نحط زرافة في ثلاجة على اربع مراحل؟

نفتح الثلاجة - نخرج الفيل - ندخل الزرافة - نقفل الثلاجة



ماهو الشئ اللي ننام عليه ونجلس فوقه ونغسل اسناننا فيه؟

السرير والكرسي وفرشاةالاسنان



ماالذي له راسان و8 اقدام؟

كلبان



كيف نعرف ان 8 افيال موجودين داخل فندق شيراتون بدون ان تدخل
الفندق؟
اذاوجدت 2 فولكس في مواقف الفندق





ايه اكتر حيوان مبيعرفش يستخبى ؟

الثعبان بان بان بان بان بان



طيب ايه اكتر حيوان بيسمع اغاني اجنبي ؟

الغراب راب راب راب راب راب



طيب ايه اكتر حيوان بيسيح في الحر ؟

تمساح ساح ساح ساح ساح



ليه مفيش ماتشات بتتلعب يوم الجمعة ؟

علشان الكورة مع دريم



ليه مفيش ماتشات بتتلعب يوم السبت ؟

علشان إعادة الكورة مع دريم



- سمعت نكتة الأسانسير ؟

- لأ

- يبقى اكيد كنت طالع على السلم



ليه مصر مش محتاجة بطاطين ؟

علشان اتصالات غطت مصر كلها



ليه السمك بيخاف من فودافون ؟

علشان اكبر شبكة



ليه الصعيدى بينزل الميه فى الشمس؟

عشان مش مشترك فى الأهلى



ليه الصعيدى بيلبس شرابات خضرا ؟

عشان خضرا لابسة شراباته





لية الصعيدى بيحط خيارة تحت المخدة؟

عشان لو حط طمطماية هتتفعص



صعايدة فى غواصة غرقوا ليه؟

سمكة خبطت عليهم
وفي النهاية ارجو ان تكون رخامتي قد وصلت لكم كلها وعندما ترون هذه النكت اجرو حتي لاتضربو منقبل الشخص الاخر هاهاها بس ارجوكم ردو ولو بكلمة شكر



عنوان ورابط الموضوع للحفظ والمشاركة
ارزل نكت في العالم !!
http://www.sohbanet.com/vb?s=ed6609019a1f92b4d6f482f378f17d0a/t137981.html


 
قديم 24-09-2009, 11:01 PM   #2
samirlm2005
 

نكت فيها افكار جميلة
 
قديم 24-09-2009, 11:09 PM   #3
اميره السلام
 

ههههههههههههههههه لا والله دى روووعه
 
قديم 25-09-2009, 03:16 AM   #4
karem_cr
 

مشكورين علي المرور واعتقد انها نكت رخمة لكن بما انك اعجبتي بها فاعتقد ان الجميع سوف يعجب بها واهلا بالعضو الجديدsamirlm2005 ارجو ان ينال منتدانا اعجابك وشكرا ويل منتظر المزيد من الردود
 
قديم 25-09-2009, 03:19 AM   #5
pocoyo
 

مشكووووووووووووووووووووووووور
 
 
دليل الفنادق دليل لااستضافة دليل السارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية