منتديات صحبة نت


»   منتديات صحبة نت > المنتديات الفنية > كلمات الاغاني

 
قديم 28-10-2009, 11:53 PM   #1
العندلييب
 

عاشق الروح .. غناها عبد الوهاب
عاشق الروح

كلمات : حسين السيد

لحن وغناء : محمد عبد الوهاب

ليه ليه ليه ليه ياعين ليلي طال
ليه ليه ليه ليه ياعين دمعي سال
ياعيوني حبايبي ليه هجروني ليه يناموا وانت تصحي ياعيوني ليه ليه

ياليل عيني اشتكِت من طول سهادي ياليل
والكاس في ايدي اتملت من دمع عيني يا ليل

وكام من فجر صَحٌيته وصحاني على عهودي
وحتى العين في غفلتها بتصحى دموعها في خدودي

تسبح في الفضا شاغل شغلني عن حطب عودي
وهبت وجودي علشانه وعمري ماعشت لوجودي

ضحيت هنايا فداه وهعيش على ذكراه
هايم على دنياه زي الضحى والليل

وكل ده وانت مش داري ياناسيني وانا جنبك
حاولت كتير ابوح واشكي واقرب شكوتي منك
ولقيتك في السما عالي وانا في الارض مش طايلك
حضنت الشكوى في قلبي وفطمت الروح على بابك


عشقت الحب في معبد بنيته بروحي وكياني
وخليت الامل راهب مالوش عندي امل تاني

أنوٌر شمعتي لغيري ونارها كاويه أحضاني
وابيع روحي فدا روحي وانا راضي بحرماني


وعشق الروح مالوش اخر لكن عشق الجسد فاني



عنوان ورابط الموضوع للحفظ والمشاركة
عاشق الروح .. غناها عبد الوهاب
http://www.sohbanet.com/vb?s=0b1f5a38f39ecc9ba777c10821cba2d7/t146062.html


 
قديم 29-10-2009, 08:21 AM   #2
_ريتاج_
 

اقتباس:
عشقت الحب في معبد بنيته بروحي وكياني
وخليت الامل راهب مالوش عندي امل تاني

أنوٌر شمعتي لغيري ونارها كاويه أحضاني
وابيع روحي فدا روحي وانا راضي بحرماني


بجد مش عارفه اقول ايه
كل يوم بتحفنا بكنز جديد من الكونز
فعلا عاشق الروح اغنيه فى منتهى الروعه للرائع محمد عبد الوهاب
شكرا ليك يا حميد
 
قديم 29-10-2009, 10:12 AM   #3
elmoshaksanada
 

كلمات جميله بجد يا حميد
واختيار مميز ,,
 
قديم 29-10-2009, 03:18 PM   #4
العندلييب
 

اقتباس:
المشاركة الأصلية كتبت بواسطة _ريتاج_ »

بجد مش عارفه اقول ايه
كل يوم بتحفنا بكنز جديد من الكونز
فعلا عاشق الروح اغنيه فى منتهى الروعه للرائع محمد عبد الوهاب

شكرا ليك يا حميد
بجد انا اللي مش عارف ارد وأقول إيه على كلامك الجميل
الأغنية فعلاً جميلة في كلماتها ولحنها وأداء عبد الوهاب ليها أكثر من ممتاز
اقتباس:
المشاركة الأصلية كتبت بواسطة elmoshaksanada »
كلمات جميله بجد يا حميد
واختيار مميز ,,
شكراً كتير يا ندااعلى ردك الجميل

وبعد كدة هرجع ورا شوية لأيام سلامة حجازي وبديع خيري ..
 
 
دليل الفنادق دليل لااستضافة دليل السارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية