منتديات صحبة نت


»   منتديات صحبة نت > المنتديات العامة > المنتدى العام

 
قديم 13-07-2008, 08:16 PM   #1
atshaltout85
 

آخر تقرير نسبة البطاله فى مصر 51% من حملة المؤهلات العليا


منذ لحظات قليله كنت اتابع برنامج خاص بأحدث الأخبار المحليه و العالميه و قد كان من حظى معرفة هذا التقرير المفزع الذى خرج علينا به اللواء أبوبكر الجندي رئيس الجهاز المركزي للتعبئة العامة والإحصاء و قال فيه ان نسبة البطاله فى مصر بلغت 51% من حملة المؤهلات العليا

يعنى تخيلوا معايا انه اكتر من نصف اللى تخرجوا من حملة المؤهلات العليا حسب التقرير هم عاطلون عن العمل اكيد طبعاً اللى درس اقتصاد متاكد تماماً انها بطاله سافره

و اللى مش عارف يعنى ايه بطاله سافره اقوللو البطاله السافره يعنى مجموعه من العاطلين لديهم شهادات تؤهلهم للعمل و يقبلون العمل فى ظل المرتبات الحاليه و لكنهم لا يجدون هذا العمل
و طبعاً انا واحد منهم
طبعاً كانت السيده الوزيره يطول عمرها يعللى قدرها عائشه عبد الهادى وزيرة القوى العامله و الهجره قالت انه مابقاش فيه بطاله فى مصر و ده كان فى شهر فبراير اول مره اعرف انه كذبة ابريل بتطلع فى فبرابر من السنه دى و تقريباً كده ابريل عندنا طول السنه
بس الحمد له رد عليها سيادة اللواء و كشف الكذبه اياها و فى نفس الوقت اللى يدخل على موقع القوى العامله هايلاقى حاجات غريبه و الله العظيم
انا اول مره اعرف انه الهاربين بيبقى ليهم امتيازات ده متهيالى فى مصر بس تخيلوا انه الوزاره بتعلن عن قبول طلبات راغبى العمل بالدول الأجنبيه و اولها ايطاليا و بيعملوا تنسيق معاها فى الموضوع ده بس ايه الإمتياز لمحاولين الهرب قبل كده ضحايا الهجره الغير شرعيه و اهاليهم سبحان الله و الله
على العموم انا عندى تقرير تانى لسه جايبه من على موقع جبهة انقاذ مصر لو تحبوا انزله اوك بس ياريت الأول نحاول نناقش الموضوع و نحاول نوصل لحاجه رئيسيه او معلومه مفيده نقدر نبدأ منها
منتظر بجد مناقشه جاده لأنى جبت اخرى مع البلد









عنوان ورابط الموضوع للحفظ والمشاركة
آخر تقرير نسبة البطاله فى مصر 51% من حملة المؤهلات العليا
http://www.sohbanet.com/vb?s=322cf436fb37be1be28194f54cf63b77/t16730.html


 
قديم 14-07-2008, 09:30 PM   #2
أبوجبل
 

أستاذي الفاضل موضوعك جميل ولى عليه تعليق والله يا خالد الواقع مؤلم أنا أعرف أكثر من خريج منذ 13 سنة مؤهلات عالية ويعملون عمال بالمصانع أما الواقع المؤلم أن أكثر رؤسائمه في العمل مؤهلات متوسطة أو بلا مؤهل شيء مؤسف
 
قديم 15-07-2008, 02:26 AM   #3
atshaltout85
 

ميرسى بجد على مشاركتك الجميله اخى الكريم ابو جبل

و بجد إضافتك هامه جداً و بتثبت قد ايه الموضوع خطير و مش سهل و يحتاج وقفه بالنسبه للجهات المعنيه و مش يكون التستر و التعتيم او تغيير الحقائق هو الحل بالنسبه لسيادة الوزيره انا بجد مش بالومها بس هو ده الحل اللى قدرت عليه

جزاك الله خيراً على مشاركتك و مرورك الرائع اخى الكريم

اخوك فى الله / احمد
 
قديم 15-07-2008, 03:14 AM   #4
200720072007
 

شوف اخى tooot انا معاك ان البطاله بقت ازمه بجد بس انا هقولك حاجه
ومتتريقش ......يعنى حاول انت وأصدقاءك تثتثمروا مواهبكم وقدراتكم فى مشاريع
صغيره بمبالغ صغيره يعنى لو احنا يعنى البنات كنا ممكن نجيب خامات متوا فره عندنا
وبالتعاون نعمل مشغولات واكسسوارات ونعرضها فى المعارض فى خيم(ونوفرتكاليف الأكشاك)
وكذلك لسهوله الأنتقال بها ويكون عندنا طموح اننا نكبر المشروع ونصدر ...فصدقنى اخى أكيد
عندك انت وأصدقاءك قدرات مش فى غيركم لأنكم متميزون وأقوى من الظروف مهما كانت
وأرجو ان تأخذ كلأمى جد وابدا وربنا أكيد هيقف جمبك (اسعى يا عبد وانا اسعى معاك)......
وانشاء الله اسمع عن شركات حوت السو ق t ooot وشركاه
 
قديم 15-07-2008, 01:33 PM   #5
atshaltout85
 

ربنا يخلليكى يارب و جزاِ الله خيراً على الأفكار الجميله دى و المشاركه الأكثر من رائعه

ان شاء الله احاول اشوف كده ايه الممكن و ان شاء الله يكون فيه خير

جزاكِ الله خيراً و ادام عليكى كل التفاؤل و السعاده ان شاء الله
 
 
دليل الفنادق دليل لااستضافة دليل السارات





Powered by vBulletin
Copyright ©2000 - 2014, Jelsoft Enterprises Ltd

سياسة الخصوصية