منتديات صحبة نت  

»   منتديات صحبة نت > المنتديات العامة > الشعر والادب

 
  #1  
21-07-2008, 11:11 PM
yasmina

رباعيات صلاح جاهين كامله
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!




- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!


الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!


نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!



رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!



عنوان ورابط الموضوع للحفظ والمشاركة
رباعيات صلاح جاهين كامله
http://www.sohbanet.com/vbs=0847581b22b636934d80798f080024de&/t19485.html


  #2  
22-07-2008, 04:54 AM
elmoshaksanada

اشكرك جدا يا ياسمينا
ورباعيات صلاح جاهين فعلا حلوه جدا
  #3  
22-07-2008, 10:48 AM
samir_k


كلام صلاح جاهين جميل جدا يا ياسمينة
اشكرك على الاختيار الموفق ايتسامة
  #4  
22-07-2008, 12:50 PM
yasmina

ميرسى يا ندا وميرسى يا سمير
تسلمولى
  #5  
27-09-2008, 09:02 AM
هدى المصرى

شكرااا على مجهودك الجميل
  #6  
09-10-2008, 09:19 PM
yasmina

شكرا للجميع المشاركة والاهتمام .. ان شاء الله القادم اجمل .
  #7  
14-05-2009, 08:03 AM
esoo007

بجد السعدتينا يا ياسمينا صور قلوب قلب
و بفل و بورد هديتينا
من كتر الضحك هلكتينا
صور ضحك
رقص صور رقص_ وعجبى _رقص صور رقص
  #8  
04-06-2009, 10:26 PM
عصفورة الربيع

ما أجمل الكلمات وخاصة إن كانت من قلب عاشق
  #9  
05-06-2009, 04:56 AM
ياسر عبد ربه

اشكرك بشده على الموضوع الرائع ده
  #10  
28-09-2009, 12:10 PM
a7med_xpress

تسلمى يا يسمينه على الربعيات الجميله والمجهود الرائع
  #11  
28-09-2009, 02:01 PM
m_farouk2003

بارك الله فيكم انتم رحمتونى من البهدلة
  #12  
23-10-2009, 01:20 AM
omara25

gamed gdan ya man .. gamed gdan ya man
  #13  
13-12-2009, 11:44 AM
MeDoPaSHa

شكرا جدا يابرنس
  #14  
13-12-2009, 03:30 PM
ahmedbahnasy

وحشنا كلامك كتير يا عمنا
ونفسى اقولك شيل معانا همنا
انا وانت وناس زينا
اتاخرنا على حرقة دمنا
وعجبى

  #15  
13-12-2009, 08:19 PM
غريب الابنودى

صلاح جاهين من اروع شعراء العاميه هو وبيرم التونسى
  #16  
02-01-2010, 11:36 PM
samer20202002

الف شكر على هذا الموضوع المميز

شكرا
  #17  
03-01-2010, 12:26 PM
سمعه خضر

مرحب باهل العلم
  #18  
03-01-2010, 04:03 PM
m_farouk2003

شكرا ليكى كتير اوى يا ياسمينا
  #19  
26-01-2010, 03:00 AM
RIMAS_2010

مجهووووووووووووووووووووووودددددددددددددددددددددددم ششششششششششششششششششششششكورررررررررررررررررررررر
  #20  
17-03-2010, 05:09 AM
lost_man_34

شكرا كتييييييييييييير لكل ادارة صحبة نت
  #21  
17-03-2010, 05:13 AM
lost_man_34

بس ممكن ياريت يكون التصفح والدون لوووود من المنتدى يكون أسهل شوية علشان فى حاجات مش عارف أوصل لها بأى سكة زى روابط بعض الأفلام الأجنبية وبالنسبة للروابط رابط الرابيد شير فى أغلب الأوقات بيكون معطل وليكم جزيل الشكر : مع تحياتى لكم : لوست مان 2010 محمد ربيع
  #22  
15-04-2010, 08:41 PM
noha sleem

رباعيات رائعه لجاهين Good اختيار ممتاز

ارجو ان يعجبكم اختياراتى لبعض من رباعيات الشاعر احمد الهمامى




لاعيب كونكـــــان ودور بــــعد دور
يكســــــب يقش ويمـــــــلاه الغرور
ويمــــــجد عظمته وفنه ومــهارته
لعب باللي كسبه قام فاز بالخــابور
وآه

الممـــــــــــــــكنات قابـــــــلـوا اللاآت
في مــــــــــــــــناظره بين المعكوسات
الممـــــــــــــــــــــــكنات قالـــــت يجوز
الـــــــــلاآت ردت ده مـــــــــــــــــــــات
وآه

هوأنــــــــــــــــامـــــــوعودبـدُول
ولا دائــــــــــــي مالوش حـــــــلول
الأطبا والدوا هما هما متغـــيروش
قرص قبل وقرص بعد والمـــحلول
وآه

أمـــــــِّن حدودك يا عــــــــــــربي مـــن كـــــل جانـب
ومـــــــــــــــد إيدك لـ إيد أخــــوك مش للأجــــــــانب
طـــــــــول عمرهم أرضك وثرواتك مطـمع للجــميع
وانــت عارف عِين العدو بتدور عاللي يجيب أرانب
وآه

يا كــــــل كلمة حب ع الأرض مـــــوجوده
روحـــي لحبيبي وبلغيه إني بحبه موعوده
وعايــشه ليه.. ودايبه فيه.. وقولـيله ليـه
ممــــــــدش إيــــــديه مع إن إيديا ممدوده
وآه
الفيلسوف اتـخنق من يئسه طق مـات
مـن غـير عزا ولا جنازه ومن سكـات
عــــــــــدى على دا الكلام ييجي ســنه
والجثه لسه ممدده ع الأرض في ثبـات
وآه
  #23  
19-04-2010, 11:57 PM
mysbaky

تسلم ايدك بجد فعلا جميله جدا
مشكووووووووووووووووووووور
تسلم ايدك ع مجهودا
  #24  
20-04-2010, 12:31 PM
دموع الامس

اختيار رائع ومتميز
شكرا اختى
  #25  
12-09-2010, 09:05 AM
مفتاح الحياة

ولدى......... نصحت فيك لما حسى أتـنـبــح
أوعاك فى يوم تخاف من جنى ولا من شبح
وأن هـــب فيك عفريــــت قــتيل أســـئلة....
مدافعش لـــية عن نفـــسة يوم مـــــا أندبح

...وعجبى...
  #26  
12-09-2010, 09:56 AM
ملكه الخيال

شكرا جزيلا لكى ..
  #27  
23-02-2011, 12:29 AM
brin star

تسلم ايدك يا يسمينه بس كان نفسي تنزليها كامله
  #28  
01-04-2012, 10:59 PM
tut_a_tut

مشكورررررررررررر
 
السياحة | الاستضافة | السيارات





Powered by vBulletin
Copyright ©2000 - 2016, Jelsoft Enterprises Ltd

سياسة الخصوصية
hosting